Reenex --- 膠原自生

之前玩幸運輪比我抽到佢地個皇牌 --- "冰凍光學膠原自生" (單次$2000) +  "HGF 激活細胞增生" (單次$1500), combo咁買單次係$3500一次, 我覺得一d都唔平~~Reenex話, 兩部機一齊做, 效果更為顯著, 如果要join最好係combo咁做, 咁當然係賣花讚花香啦!

價錢係咁:-

$3500 x 6次 x 8折 = $16800 (單次係$2800)

$3500 x 12次 x 7折 = $29400 (單次係$2450)

**比cash 或 EPS有6%回贈, 指定信用卡分期好似有2,3%回贈。同埋生日會份再有9折**

上個月已經做咗喇, 新治療師Renee介紹, 呢個"冰凍光學膠原自生"係唔會有即時效果睇到架! 因為佢至少要十日後先會有效果睇 (心諗, 唔係呀化~咁貴都冇即時效果睇到, 叫我點join呀?!)

其實呢個"冰凍光學膠原自生"係laser一種, 做嘅時候好舒服, 涼涼地, 感覺真係唔錯架! 有乜好處呢: 佢嘅波光深入皮膚200-500微米, 可以解決凹凸洞, 粗大毛孔, 最重要係膠原自生, 其實只要皮膚低層有足夠嘅膠原蛋白就可以解決好多問題!

做完呢部機緊接另一個treatment "HGF 激活細胞增生", 部機係有個吸咀, 係吸清所有黑頭粉刺, 但其實我feel嘅唔係吸, 係利用佢個膠邊刮起我d黑頭粉刺囉, 過程都幾痛, 如果真係吸又點會痛呢?! 所謂嘅吸, 係佢即時將我嘅dirty嘢吸走, 並唔係”吸出”。

吸完就導入”人體生長因子精華”令到頭先做嘅膠原自生療程效果更好!

成個過程好快, 敷埋mask都係個半鐘左右。即時效果呀……..白咗d囉…不過我平時係屋企敷完日記mask都會白架啦, 所以我從來都唔會理”即時效果”。

不過, 可以好老實咁講, 之後嗰半個月洗面嘅時候係feel到塊面前所未有嘅咁平滑, 搽所有lotion都好吸收, 一陣間就被皮膚吸收晒。但你話收細毛孔嗰d呢, 我就唔覺喇~~~除非我搵好多啦, 否則我係唔會join囉!

相關網誌:

Reenex part 1

Reenex part 2

Reenex 真係好hard sell