Reenex part 2

點解會有part 2呢???

大家仲記唔記得我係part 1到講過我係同我個fd一齊去試做呀? 後尾我地係分開咗一人一個治療師, 亦即係話, 我地比人sell嗰陣唔係一齊~~~

我同我朋友仔都有join到亦都係比EPS同買咗24次, 我問佢買咗乜, 點解個數同我差咁遠嘅? 原來佢買咗貴嗰個$930連埋mask。我話, 我買$730嗰個都有mask送喎, 我地計過, 兩個plan足足相差$3xxx! 我個fd當時佢好激動呀, 打番去又收咗工....咁點好呢....大家都有mask送但又相差咁遠嘅呢??? 成件事係咁架......

我嘅治療師叫Maggie! 佢sell我嗰陣, 我已經表明$930太貴, 折咗都太貴, 所以佢就轉sell我$730, 後來佢主動話送埋mask比我! 咁正??? 我心諗, 原來扭下屎忽花就有mask送, 好彩我話$930貴唔買咋~如是者, 我再三追問佢"你送比我個mask係咪同$930嗰個一樣架?" 一路佢都話"ok, 冇問題!"

朋友仔嘅治療師叫Kelly! 佢sell我個朋友仔嗰陣就冇講過$730可以送mask, 咁我個fd又想效果好d, 所以就揀咗$930有mask!

咁出嚟嘅結果就係我個fd比多$3xxx, 而大家都係有mask送! 比著你都火滾啦, 第二日我地一齊上去了解清楚!

原來, Maggie話送比我個mask係唔同$930架, 我心諗, 我問你咁多次你都話 "okok, 我會跟埋mask比你" 而家諗番轉頭, 唔怪得佢從來冇答我"係一樣架", 哼! 佢地解釋,  $930嘅mask係加咗保濕精華係入面係靚好多架! 唔同送嗰個架! 咁我之前問你咁多次唔講清楚! 完全係誤導人啦!!!

Reenex嘅經理都在場, 由於我地都比EPS, 如果佢地要退錢, 一定會比office d人知, 佢地就suggest 我朋友仔將多咗嘅錢買多幾次CPS或者買佢其他療程, 我朋友仔唔肯, 堅決要退番多咗嘅錢。佢地見我朋友態度堅決, 就由我入手, 叫我加多幾次CPS, 加到個數同我個fd一樣價錢, 而我就直接將d錢比我個fd, 佢地就可以當冇事發生過! 點解會關我事架???

最後, 我地話要諗下先, 聽日再覆佢地!!!! 而我朋友仔亦決定一定要攞番d錢!!!

幸好, 都肯退番d錢比我個fd, 咁大家條氣都順d!

在此, 大家join呢間嘢之前, 真係要問清問楚!!!!

相關網誌:

Reenex part 1