拍攝花絮

好鍾意本相簿有拍攝花絮, 之前做research知道法巨會有拍攝花絮印埋落本相簿度。到我join時佢主動講會送比我, good! 慳番唔洗r~

我覺得有呢d花絮, 更加令我回味到當時是多麽的開心~~~

話說呢d花絮由落單到影完晒都冇話會送番d softcopy比我, 但唔知點解我又屎忽痕好想要埋d softcopy, 之後我同法巨老闆 Boss Lee MSN問佢可否送給我, 可能他覺得送給我, 我都沒什麼作為, 就答應會比埋我, goodgoodgood!

你話法國巨星係咪好好呢??!!

白色衫背向鏡頭攞住部大相機, 唔洗講都知係攝影師 - 強sir! 不過強sir已經冇做lu, 好miss佢呀~~

嗱! 呢位就係司機大哥! 佢幫我拉頭紗啦/裙襬啦, 呢d都唔係佢嘅工作。仲有呀, 說話我淨係想影呢隻花花, 本身都放棄咗唔會影花花背景, 但原來強sir有問呢位司機大哥知唔知邊到有呢隻花, , 司機大哥醒起, 沿路有一個樓盤出面種咗好多呢隻花 (冇錯! 係樓盤, 我身後嗰兩座就係新樓嚟架!), 去到後仲幫我地問職員可否影幾張相, 職員都好好, 淨係唔比我地踩入d花到! 呢度仲唔洗入場費添呀! 十萬個感激呢位司機大哥~~

右邊帶帽嗰位係攝影助手coco, 除咗幫我整理衣服外, 仲會打燈, 攪笑, 提我地眼望邊到! 好開心有她做助手~~

當時我著咗高踭鞋, 好驚跌呀!!!

好鍾意呢張相, 同我著鞋喎!!!!都唔知仲有冇下一次呢~~

嗱! 左邊紅色衫嗰個美女就係化妝師Monica, 好幸運被我book到! book到佢之後, 餘咗而家呢個"皇冠"造型我好想試下之外, 其他我都好放心交比呢個係法巨出晒名嘅Monica, 佢真係好令女架! 好可惜, 佢又冇做了~