2010年12月29號係我比錢後第二次去Reenex做CPS果酸療程！因為第一次試做冇時間做皮膚分析，今日會補回！係等緊做皮膚分析嘅時候，治療師Maggie一直都係我身邊。
惡夢就係呢個時間開始！因為佢係咁sell我買佢地個皇牌，呢個treatment原價係$3500單次，呢位治療師係未同我做皮膚分析單憑肉眼就同我講，我嘅情況至少要做12次，咁當然有折啦，又係7折，即係話需要$2450x12次=$29400擺落塊面度！
老實講，你半價我都未必做！我淨係想塊面乾乾淨淨就可以喇，CPS已經可以滿足我嘅需求（有效的話），你所講嘅膠原再生有冇效都冇人知！就算有效都只係3年不老（係Reenex講嘅）！咁我3年後呢？又繼續再join???
我好記得我由8：15p.m.一直被佢sell到9：00p.m.。成個過程係不斷重覆以下對話：-
治療師：＂點解呀？而家有7折真係好優惠架！＂
Kuromi：＂太貴喇！冇錢呀！＂
治療師：＂點會呀！可以做分期架！＂
Kuromi：＂做分期都要還架，真係太貴呢~＂
如是者，不斷重複＂點解＂同＂太貴＂。雖然我比佢晒咗45mins係因為我態度唔夠決絕，但我慳返$29400我覺得晒呢45mins係值得架！但因為咁，我對Reenex產生咗強烈嘅恐懼，嚟緊嗰22次我都唔知點算！好怕同佢單對單咁係房入面比人sell，鳴鳴鳴！
其實大家諗下$29400絕對買得到chanel包包或者去歐洲去日本旅行豪玩豪食！我寧願買名牌袋或者旅行好過！如果我月入5、6萬咁當然冇問題啦，我實join! 但我只係一個小小文員仔絕對唔可能花太多錢係塊面度呢~ 所以請大家小心呢！
但今日收到好消息，Reenex打嚟話呢位hardsell治療師Maggie冇做喇！我當然好樂意咁轉人啦！yeah!
相關網誌:
Reenex part 1
Reenex part 2
我都好憎HARD SELL既美容店或者化妝店......sell 一兩句唔受就好收聲喇......
回覆刪除29XXX蚊喎....去旅行買包包食好多餐勁都得喇....一次過用咁多錢o係塊面度....唔俾老公勁話...自己都心痛喇!!!
[版主回覆05/12/2011 15:00:00]你講得啱吖！結咗婚女性都要為屋企負責架嘛！又話要生仔，到時時樣樣都係錢，攞三萬出嚟老公唔話自己都勁肉痛啦！
你講咗個價我有興趣嘅話自然就會心思思想join，唔係將同一句說話講幾百次就得囉！
所以我決定寫blog後第一樣想講就係呢編，唔想有人受害！
佢廣告咁重... 咁係咁
回覆刪除[版主回覆06/21/2011 21:07:00]但都唔洗SELL我九個字架....
唉，我諗起美容都係怕怕，我曾經被美容院sell不停好似魔鬼咁說服我join plan，成5位數字！都不止，仲要我俾左錢後佢地d服務差到冇人有，衰到連倒膜都唔幫我做，改用paper mask!正黑店！
回覆刪除[版主回覆06/22/2011 14:59:00]係啦！真係好頭痛，又想去做下但冇一間真心對待啲客嘅！可能自己花時間用按摩膏+清潔mask+貴價mask+老公嘅肩頸按摩囉！
我都上過去，不過好彩我一做完皮膚敏感，佢sell都唔敢再sell~~ 即刻放生我！
回覆刪除[版主回覆06/22/2011 15:05:00]咁你幾好彩喎！我朋友每次做完都敏感，佢地都肯退返$$算係咁。講真，我做咗後塊面確係乾淨咗，啲毛孔冇晒啲dirty嘢，以前日日清都係塞滿晒架，好嚇人！而家feel到好乾淨！但黑頭仲有少少但比未做前亦都好咗80%！但hardsell實係令我怕怕....
不過我join左Dremes~
回覆刪除most of the beauty salons are very hard sell (including my current one!), so I hope to find one which is not hard sell after finishing my courses!
回覆刪除