一田一連幾日購物優惠日!
亦係我出動掃KOSE嘅時候, 因為會比平時送多好多sample! 我鍾意KOSE其中一個原因係, 平時少set裝! 我個人覺得真材實料先唔需要成日出set裝同做特價去吸引新舊顧客! 你幾時見chanel, LV做特價吖?! (又比直口自己
咁我今日買咗d咩呢, 敗家實錄去片~
買咗一瓶eye cream $520做存貨! 因為平時單買佢係唔會有上高嗰3支嘢送架! 贈品左至右:
1) 乳液(30ml) - $120
2) lotion(30ml) - $90
3) 卸妝(10g) - $20
即買$520 就送咗$230 嘅skin care!
另外我凸咗支洗面唔夠數買佢預先set好咗嘅優惠裝, 但sales姐姐好好, 都送咗左邊嘅保濕精華比我!
1) 保濕精華(15ml) - $88.5
即買$240 洗面就送咗$88.5 嘅skin care!
呢度我買咗上高嗰兩支又係嚟做存貨嘅, 左上係乳液 - $480, 右上係lotion - $480! 下面嘅嘢又係送嘅!
1) mask (20ml/pc) - $73.3
2) 乳液(30ml) - $120
3) lotion(30ml) - $90
4) 卸妝(10g) - $20
即買$960 就送咗$303.3 嘅skin care!
上面嗰排係我買嘅, 左上係保濕精華 $590, 中上係落妝油 $240 同埋右上嘅mask $440, 送下排嘅gift, 呢set係會員嘅優惠嚟嘅!
1) 乳液(30ml) - $120
2) lotion(30ml) - $90
3) 淡斑精華(15ml) - $262.5
4) mask (20ml/pc) - $73.3 x 2 = $146.7
即買$1270 就送咗$619.2嘅skin care!
free gift大晒冷! 最高嗰排嗰8支細細支, 一包包藍色嘅sample仔同埋最底中間嗰兩盒粉底試用裝都係sales姐姐另外送比我嘅, 嗰度粗略咁估都有二三百蚊架~ 正!!!
全家幅show off! 呢度夠我用上3-4個月以上, 用完後就等下一次11月嘅一田優惠日再掃過~~
**其實我都覺得自己好敗家, 晒好多錢係塊面度, 但我試過慳d買OLAY! 但一支lotion都未用完塊面已經甩皮, 平時冬天幾乾我都唔會甩皮(用緊KOSE), 所以最後又去番買KOSE, 呢條line又係新出嘅, 啱d中女用....我知我唔係天生麗質, 皮膚本身又唔係好, 係唔應該成日買咁貴嘅skin care.....我會慳下其他地方做番個balance嘅, 不過我都會好好認真咁諗下我係咪需要繼續咁落去....**
今日仲有幫老公掃咗對鞋就閃人返屋企煮飯食, 其他優恵都冇時間去買!
妳好勁呀! 掃咗咁多貨!
回覆刪除我今晚都會再入去睇下仲有咩荀嘢~ HEHE...
[版主回覆05/30/2011 11:32:00]今日last day 喇！
Yes ar! 所以咪今晚入去睇下清哂場未囉~
回覆刪除[版主回覆05/30/2011 11:46:00]Gogogo~~~掃多啲正嘢！
我琴日本來諗住去買o急同埋Hello Kitty既龍鳳被,但最後都買唔到,買左其他"林沉"野,琴日真係多人到爆,氣都透唔到呀
回覆刪除KOSE我覺得好貴呀,而家盡量都想買D平小小既護膚品,搞結婚野用既錢實在太多啦 如果你覺得面乾,可以買部機蒸面,好似幾百蚊,都幾好用,蒸完再敷面膜貼好多,同埋我媽之前買左部機可以做導入同導出,導入即將lotion查響塊面,,然後用部機導入去,導出即搽d洗面奶響塊面,然後用部機導出,用完皮膚真係靚好多,超good呀,咁就唔洗用咁貴既護膚品啦
[版主回覆05/30/2011 14:22:00]喼好抵喎，點解冇買呀？龍鳳被唔洗特登入嚟迫啦，冇乜點平架咋！你講嗰啲導出導入先前都睇過！但我份人太冇耐性，叫我日日咁攞嘢碌塊面我真係唔會做！其實kose雪肌精冇咁貴，呢條infinity係貴啲！>
真係掃左好多bor..
回覆刪除[版主回覆05/30/2011 14:25:00]係呀！遲早用晒都要買，趁佢而家都嘢送一次過買定囉！敗家....
d sample排晒出黎好勁呀, 多到咁......
回覆刪除[版主回覆05/30/2011 15:51:00]Babe!唔好睇少呢d sample呀！佢可以幫我渡過赤貧嘅日子! Wakakaka~~~
o急係好抵呀,見到人地買hello kitty果個好靚,但我又驚太細路女,因係橙色撞白色,所以無買,但淨色果d我男友話太單調唔靚喎,原本睇中左小飛俠(黑色既),但因佢係拉鏈我地驚易爆,同埋佢個o急面d sales話係唔知乜野纖維料可以勁屈都唔爛,但我覺得好似唔"come"掉,驚好易掉爆,所以最後無買,咁又睇中個介黃色既鬆弛熊,但佢個o急面無其他顏色,只係個鬆弛熊突出黎,好似幾得意又無咁覺細路,29"只係$599,但無貨,得24"太細所以無買,但我地識人響一田做,問左佢原來仲有,所以今晚會去一田拎29"既鬆弛熊o急囉,龍鳳被原來我個fd係會員有8折,所以去睇始創果間多野d,到時先買囉~其實果隻機唔洗晚晚做架,我都超懶,所以都唔係成日做,去完台灣影相返黎先做左一次(即兩個月),哈哈,但功效好明顯架,值得一試
回覆刪除[版主回覆05/30/2011 16:05:00]沙田廣場定中心（有麥當勞嗰個商場）都有間雅芳婷個喎，你有時間過埋去睇下囉！我上年都買咗個彩色Annie the pooh喼，都唔係好細路啫！你嗰部機叫咩名呀？
收穫又多又好~ 我就怕多人, 結果冇去, 但係見到有去的blog友都有好多好好的"戰利品"~ 或者下次再去~
回覆刪除[版主回覆05/31/2011 00:33:00]如果怕人多, 可以揀最後一日, 星期六/日一定最多, 因為平時已經多! 最多人係bb用品同床上用品同喼~不過人多先有氣氛但最怕排隊比錢囉!
嘩.....血戰 kose shop!!!
回覆刪除[版主回覆05/31/2011 00:31:00]係咪好敗家呀??? 但咁樣買先係最抵呀架~
個o急我琴晚買左啦,$599超抵~部機我要返屋企睇下先,唔記得左乜名 雅芳婷我諗都係出返始創睇算啦,多d款同埋我個fd有8折
回覆刪除[版主回覆05/31/2011 11:53:00]最後買咗鬆弛熊呀？
嘩...好誇張呀!!infinity係咪真係咁好用?我都想試吓喎!
回覆刪除[版主回覆05/31/2011 15:02:00]我覺得呢條line唔錯架，係for中女！之前我有諗住試下用shisedo新出嘅抗衰老架，又係一樣咁貴！所以冇試到！其實我鍾意成條line咁用，所以你見全部都infinity好似好恐怖咁囉！不過我會建議你試下佢個mask,好有焗爽拿feel咁架！
WOW.....你真係大出血呀!!! 咁多護膚品有排用呢.....呢個牌子係咪真係好好用ga>??
回覆刪除[版主回覆06/01/2011 15:53:00]我覺得唔錯喎！佢最出名係雪肌精嘛，同埋佢地啲成份用植物精華，好似好天然咁，上面係新line-infinity,貪心忘舊又試下囉！
係呀,買左28吋既鬆弛熊
回覆刪除[版主回覆06/02/2011 21:33:00]GOOD, 我鍾意用大喼...!去旅行都唔怕爆喼, 哈哈~~~
一田ba 咁好人.. 做緊promo都送咁多gift 下次我一定要去look look kose infinitｙ 落粧幾好用．．先ｃｒｅｍｅ 後油
回覆刪除[版主回覆06/21/2011 21:11:00]如果你方便都可以去一田行!
INFINITY落妝OK架...不過我孤寒, 覺得佢支落妝唔抵用, 所以我都係用番清肌精嘅CLEANING OIL囉!
我前果幾篇blog post左部導入,導出機出黎啦,不過聽聞佢已經賣晒無貨啦,我估如果你要買的話,要買過第二部lu
回覆刪除[版主回覆06/26/2011 00:38:00]我見到你編BLOG呀.....
我唔敢買呀!我一定冇心機成日用架, 到時又比人鬧....