人生大事

我從來都冇諗過可以去外地影相, 雖然係台灣, 但比起留係香港或者去大陸影, 我已經超級開心! 仲要係男友自己提出嘅添, 你話爽唔爽?

之前我有提議不如返大陸影一輯平平地當練習啦, 不過男友一口拒絕, 佢本身唔鍾意影相架, 所以我都冇再提及!

因為我唔會擺酒, 所以將所有精神心血放晒係呢輯相度! 由決定去台灣影之後, 我不斷上網搵台灣婚輯公司, 想搵一d啱自己style嘅攝影師, 又怕嗰d影到個人成粒鼻屎咁細, 實比亞爸亞媽話爆~最後決定咗去法國巨星又有我鍾意嘅路線!

下一步就係衫同背景嘅配答。因為之前做資料搜集時都見到有d作品出來效果好似怪怪地咁….例如: 男女主角都係白色禮服同婚紗再配過白色背景, 成張相都白+白+白, 件衫幾靚都睇唔到啦….

一係呢, 就彩色嘅花田, 就配件淺藍晚裝, 總之就唔match啦。本身我都好想去影花田架, 但我想要淨色嘅花花, 而且我鍾意嘅花要到6/7月先開, 4月未開。所以我決定放棄唔影花花lu。

**備註, 以上嘅說話純粹出於自己個人喜好同意見! 絶對冇影射成份, 請大家唔好誤會**

所以我自製咗一個路線圖+衣著表+髮型要求! 大家都知啦, 始終台灣有時都有d娘娘地架嘛, 我唔想將我嘅婚紗相毀於一旦呀!!!!