我愛KOSE

我鍾意用KOSE嘅化妝品/護膚品!

自細唔算鍾意扮靚, 所以對化妝品/護膚品都冇乜深入了解, 亦都冇去留意邊隻牌子好! 不過記得有年同媽咪行街, SKII做promote, 未夠18歲就用SKII, 唔識用又唔啱年紀, 浪費了~~

早幾年細佬大學畢業, 為咗唔想影低自己個殘樣, 我就學人去買化妝品, 係眾多牌子中, 亂走地去了KOSE專櫃。對化妝一曉不通, 但出奇地很多人讚我化得幾好粉底亦好貼服, 自此我對KOSE有著不解的情誼結!

至於真正用佢嘅護膚品都係呢兩年嘅事, 早排皮膚好差好敏感生咗好多粒粒仔, 美容d人話我敏感喎, 叫我買佢地d中草藥成份嘅洗面同cream用, 用後都唔錯架, 至但係, 喺呢d美容院仔買, 我覺得冇保障, 今次用得好唔代表之後都好, 萬一有起事上嚟, 佢地一定唔會理我!

咁啱呢~~KOSE嘅產品全部都係由天然植物提煉, 減少敏感嘅機會先, 咁我又用開佢嘅化妝品, 連護膚品都用埋都幾make sense吖~~而且又可以儲分就有優惠都唔錯

上年佢地出咗一條新line叫 - INFINITY, 最啱我呢D中女用架喇~~今年又有新product出, 不過主要for化妝品嘅, 都有出淡斑精華, 不過$700/40ml好貴呀!

4月3日 KOSE攪咗個粉底分享會, 我都有去到, 不過今次會場唔比影相....新粉底真係好薄好透徹, 加埋佢嘅收歛水, 有效防溶妝, 我都有買咗一套優惠裝:- 收歛水, make up base, 粉底 (送粉盒同粉朴, 抵!)

仲有其他sample送添呀! 當中有我最鍾意佢嘅paper mask, 好貼面, 同埋佢嘅設計令到d精華鎖住咗, 焗住係塊面同塊mask之間, 好吸收, 好有效果, 而且價錢都唔算貴, 冇記錯好似係$440/6pcs