婚照之旅 - 準備

2010年4月復活節嘅婚攝等如我嘅婚禮! 冇計啦，同男友拍拖冇耐已經知道佢唔鍾意擺酒。本身我都想擺架，不過上年細佬結婚時所發生嘅事令我怕怕喇！我都決定唔擺喇~~
大家都應該知，去台灣影婚紗相需要只係3日2夜就可以攪掂走人，唔同香港，揀完衫再準備所需物資都唔遲！
所以我一直都有留意一下晚裝鞋，想一對KO晒婚紗同晚裝！易襯易著仲要抵，真係難度高呀！終於係起行前2 weeks完成晒所有嘢，價錢仲好抵，用一次嘅嘢唔洗咁貴啦，係咪?

Girdle - $30
收pat內褲 - $55
Nude bar - $89
裝胸作勢bar - $225
銀色晚裝鞋 - $299 (BCBG嘅副line專出嘅晚裝鞋，由千幾蚊減到二百幾，唔買都對唔住銀包啦)

安瓶 - $50 (弟婦係馬拉幫我買，好過係法巨比人劏嘛, 要成$125/支架)

仲有兩套公仔衫仔係我整比kuromi同小牛著嘅 - DIY (布料係問工廠攞嘅添，啲珠仔係我之前去深水埗買落嘅）

我呢世都會記得, 我整呢套衫嘅時候, 係大年初三, 單位數溫度, 我整咗一日對手就凍足一日! 個人倦到呢.....車好個主體, 又要用手繨d細微位, 因為我嘅車功只係幼兒園水平...。攪掂晒套衫就串珠仔, 前前後後我整咗成個月, 不過效果我都幾滿意!!!

以上物品一定一定要帶!!!!