Cycle 4 ---- Day30先深粗 @_@

點解會咁架??!! 老實說, 我嘅心情好複雜! 開心嘅係我有100%深粗, 唔開心嘅係點解會係DAY30才排卵? 我唔想我嘅cycle成四十幾日呀!!!!!

我真係冇眼睇!

點解會無啦啦發現100%深粗呢, 確係有幾個巧合嘅!~



其實一心已經當咗DAY20 / 21 排咗, 因為DAY18 / 19紅D比較深色, 30%左右啦 (食咗個幾月中藥, 身體都咁渣!)



 但係DAY27 / 28見到好多分泌, 覺得怪怪地, 亦都有驗紅D, 但淺線, 哈哈笑都有驗, 一樣係冇料到, 咁唯有繼續等運到遲下才驗綠D啦 (因為有人有咗係會多分泌)!

之後DAY29 / 30都仲係好多分泌, 多到有時朝早一起冇耐就feel到有嘢流出嚟 (前一晚係冇dodo)。去到DAY30, 我都冇驗綠D, 因為唔想自己太失望同埋預計今期至少會有34DAY, 所以唔想咁早驗。但, 因為BLOG友仔金金子的一句話:"綠D擺係度晒SIDE!"。打中我死唔蝕抵嘅性格, 所以DAY30晚就驗了一次綠D。



見到綠D少少色都冇, 抺尿尿時又見到好多分泌, 真係頂唔住, 攞咗紅D出嚟。 一浸! 已經見到有線出, 唔洗一陣已經係勁深粗! 左手攞綠D, 右手攞紅D, 左望右望係咁睇, 點睇綠D少少色都冇, 如果有咗紅D咁深的話, 綠D點都有DD色啦, 係咪先?? 再攞多條紅D綠D出嚟, 情況一樣! 最後, 再用埋哈哈笑~~~唔洗講都知有笑臉啦! 睇下, 真係100%深粗架!!!!!! 哈哈笑嘅tester仲深過對照線添呀, 我都未試過咁深架 (如果早14日出現你話幾好呢?!)。

即刻同老公講: "今日DAY30紅D咁深喎, 今晚要攪嘢呀~~!"

唉~ 點解會咁架......不過都冇計, 分泌又多, 紅D又咁深, 又有哈哈笑, 只好接受自己咁遲先排卵!

到DAY31, 中午紅D都仲有98%深粗, 夜晚11點半得番40%左右.....

DAY32再驗, 全日都係40%左右...無啦啦要重賽, 又要等多十幾日lu~~~

 

去到DAY32晚上8點的紅D紀錄~

各位, 請祝福我吧!