今日去咗自己睇開嘅家庭醫生驗孕, 姑娘同醫生都好替我開心 (話晒都睇咗呢個醫生好幾年了, 已經認得我喇)。一去到先要求驗孕再等見醫生, 一路等一路都有D緊張, 怕冇咗色嘛!
今次醫生都計唔準我嘅week數同預產期, 因為我cycle亂了遲咗排卵! 醫生話我應該係9月2日(DAY30)排卵, 唔係9月3日, 不過邊日排對我都唔重要了
~醫生估計我而家有4week?day (忘記日數
) 同2012年5月26日預產期。不過一切都要一個月後返去醫生度照一照再confirm! 醫生問我幾號行房, 我講咗我9月2日及9月4日, 醫生竟然話我咁懶都中喎....我心嗰一句好想話:"我有儲貨架!"。我梗係冇講啦, 想比人串咩~~
而家繼續每日一粒葉酸, 好似話食多一個月就可以不用食了! 叫我唔好食生冷嘢, 幫我量血壓, 磅重, 按肚, 仲話我大槪10月7日左右會開始嘔, 醫生話如果我唔嘔佢會唔開心喎...我好怕嘔架....仲問下我有乜唔舒服, 除咗口乾, 谷胸, 便便軟了, 其他都ok, 咁樣驗一驗攪一攪就$250喇....
攞晒醫生信, 假紙就去下一站 --- 威爾斯醫院!
--- 先攞張foam填個人資料
--- 連同身份證, 住址證明正本, 醫生信遞交後等叫名
--- 等咗半個鐘就叫名
--- 一張oscar預約紙 (10月31日, 因為我cycle亂, 所以我打番比我家庭醫生問下會否太早, 醫生話, 一個月10月19日後照下龍寶寶有幾大先, 如果太早就再寫紙比我改期, good呀!)
--- 一張要去到出年2月1日產檢預約紙
--- 姑娘仲叫我盡快去健康院預約產檢, 跟手去埋約咗10月27日
去埋健康院3點幾先食lunch, 就算冇...都好肚餓啦! 食完行咗一陣就回娘家同媽咪報喜喇!
媽咪教我點煲花膠湯, 仲攞埋d黨蔘一齊煲, 真係又食又拎呀, hehe
弟婦就比咗佢之前飲淨嘅孕婦奶粉比我試下味...
真係好鄧你開心呀!!! ^.^
回覆刪除[版主回覆09/20/2011 14:05:24]冇錯冇錯！我會㨂件靚嘅！
[傻婷回覆09/20/2011 12:28:14]我知道架喇...因為收到你件bb3...就好快lu ....
[版主回覆09/20/2011 10:58:53]多謝你^3^你都會好快架喇！放心，支持你架！！！
嘩，你真係好快手喎... 全部都搆掂晒啦！
回覆刪除[版主回覆09/20/2011 10:59:50]有晒假紙嘛，所以要拿拿聲約晒啲期先，唔係又要另外請假扣$$＞＜
勁, 有效率..
回覆刪除[版主回覆09/20/2011 11:00:12]快快手，冇蝕抵！
勁ar, 恭喜晒...有嘔即係有胎氣, 所以你醫生咁講..
回覆刪除[版主回覆09/20/2011 14:06:00]暫時都係放屁嘅氣,wakaka
果然好快手.....能同你一起見證你這開心時刻, 真係令我都興奮埋..
回覆刪除長氣都要同你講多次...你要樣樣小心....千萬不要再企chair....
[Gela回覆09/20/2011 14:38:32]多謝定先....:D
[版主回覆09/20/2011 14:06:48]知道喇，祖^3^
[傻婷回覆09/20/2011 12:29:05]祖: 我地長氣多次....我地有3仔收lu...呵呵呵!
快d book 私家產檢 & 去醫院排期 la
回覆刪除[版主回覆09/20/2011 15:13:24]政府排咗喇！家庭醫生叫我一個月後返去佢嗰度照，如果冇乜嘢就唔會約私家住，留番照仔女才約^^
如果CYCLE本身亂七八糟又唔記得行房又中左的話~會唔會CHECK唔到預產期?!?!
回覆刪除[版主回覆09/26/2011 10:21:50]大把時間，可以慢慢戒下啲壞習慣。好似凍飲呀，對女性真係唔多好！
[Hitomi回覆09/26/2011 00:55:43]haha~我大概2年後就會plan生bb
[版主回覆09/23/2011 07:51:26]不過。如果你真係會生，有時間的話就去睇中醫調理，身體好啲做乜都好啲啦;)
[版主回覆09/23/2011 07:48:18]都唔洗太擔心嘅。首先，一般最快驗到孕都要排卵後12日，當你真係太遲才知有咗，醫生都會用你平時嘅m期計下。萬一真係計唔到都唔怕，好似我咁，遲下去照超聲波，知bb嘅大細就會知預產期，所以都唔洗太擔心！
恭喜晒~希望我都快啲得呀!!哈哈~
回覆刪除[版主回覆09/23/2011 16:35:23]一定得架！比心機呀！