cordlife 講座

2012年3月17日 (星期六)

好開心成功抽到去BBcare同cordlife臍帶血合辦嘅講座, 因為有$1000禮物架 同埋好開心係因為我, 金金子同慒朱朱都一齊抽中! 仲因為怕抽唔中, 我地三個再填多次報喺私家生添....hehe! 果然, 填私家生, 三個都有份, 填政府生, 三個都冇份, 做得好呀!!!

我地約咗1:30p.m. 喺尖東食個lunch先! 多得呢個講座我地又多一次gathering, 金金子好快就要生龍b女, 出世後佢有排忙呀!!!

成個講座, 一個字 --- 悶。再加一個感覺 --- hard sell! 真係唔多好囉.....冇計啦, 為咗嗰$1000禮物係要付出嘅, 好在有人陪咋, 一個人去真係好難捱囉!

到咗4:00p.m. 終於都完喇, 嗱嗱聲交問卷出去換禮物! 打開個袋, 左摷右摷, 點都都唔似有$1000禮物喎...



--- cordlife初生襪仔
--- NUK 乳頭濕紙巾兩塊 (冇錯, 係兩塊咁多)
--- mustela 試用裝 (仲少過雀巢講座送.....無言)
--- Pampers NB尿片兩塊 (漏咗係細佬架車上冇得影相) (人地雅培都送一包20塊huggies尿片啦....唉!)
--- VEGAS 按摩coupon一張 (就係呢張coupon因為值$800, 所以其他禮物會咁un囉.....仲要去到老遠銅鑼灣做添呀!)

我認我係貪小便宜, 咁大間公司收費咁貴, 但搵番嚟嘅贊助得咁少....真係好令人失望囉.....

相關網誌:

雀巢講座

雅培講座

雀巢講座 (2)