[再戰] BB展購物

吉之島收穫

上星期五3月2號, 係吉之島感謝日, 用JCARD買嘢會多95折, 再加上又有BB展, 所以今次再去逛一逛, 睇下有咩筍嘢買!

原先想買pigeon嘅奶樽刷, 但個亞姐說我買TT, 話啲毛軟身啲冇咁易整花奶樽, 又話啱啱返貨成日缺貨咁....由於pigeon嘅奶樽刷喺大圍一間藥房只係$12 (吉之島原價$28), 價錢差太遠, 所以冇買。

最後買咗支TT試下, 原價$31, 85折再95+95折, 現$23.8。

另一個主要原因係為咗呢隻HUGGIES濕紙巾, 而家BB展只係$20.9咋, 仲有95折, 即$19.8。藥房最平都係$28, 萬寧賣$38.5。係咪好抵呢? 膽粗粗買咗4盒, 重到我呢.....

最攪笑係, 媽媽會內好多媽媽為咗佢發狂, 因為到咗下午, 屯門荃灣等吉之島都賣晒, 因為真係好抵!!!!

 
另外, 買咗兩套衫比侄仔, 左$60.7/右$75.9。價錢OK啦!

正當我搵緊衫比侄仔時, 無意中見到呢件衫只係$29咋, 仲要有95折喎, 即$27.6, 真係抵到爛, 唔買唔得, 龍寶寶又多件衫仔lu, wakaka~~~





千色收穫

元朗千色有個清貨區, 有啲衫仔似淘寶貨...唔多想買。但見啲襪仔$10對又幾可愛, 買咗三對。回家才發現全部都係花花圖案....


而家買嘢真係買上癮, 尤其係呢幾年物價係咁上脹, 見到啲嘢平啲啲, 真係要入定貨呀! 另外, 朋友仔到美國出trip, 叫佢幫我去outlet買啲BB衫仔, 我知佢幫我買咗一堆, 好緊張呀, 好想快啲收貨呀, wakaka!!!!!

相關網誌:

BB展購物