冬蟲草花膠響螺竹絲雞湯

冬蟲草花膠響螺竹絲雞湯, 個名好長.....

老公係咁叫我買隻竹絲雞煲湯, 好啦。星期六訂隻雞, 星期日煲!

冬蟲草, 十條左右

竹絲雞, $75

響螺x2
花膠筒x3
仲加咗啲杞子同龍眼肉

將雞洗淨飛水
響螺去腸同內臟都飛水
水滾後掉晒所有材料去煲, 大火後轉細火煲去3小時就ok喇!

煲咗3個鐘左右, 冇隔油下都可以接受唔太油。

每人都有5~6碗!
啲湯真係好甜好甜, 好好味呀!!!

龍寶寶你就好啦, 有咁正嘅湯。當然, 老公做嘢咁辛苦, 都要飲啲正湯補下嘅~