因為老公等我期間食咗碗麵要晏啲先食得落, 所以我地去咗沙田一田行下! 唔行由自可, 一行就不得了。話說媽媽介紹我去買張被仔, 侄仔都用緊, 我知係organic一定貴, 如果由媽媽買一定唔洗我比番錢, 我又唔想喎。所以我同老公就入去睇睇....(其實我一路上都忘記了要買被被....)
買咗三樣嘢, 一薄一厚嘅被, 同一隻公仔比龍寶寶!
最上嗰張係薄被, 130x130cm, 好大張 --- $928
中間嗰張係厚被, 100x120cm, 公仔好可愛, 入面仲有長頸鹿, 獅子公仔 --- $928
最下係兔公仔, 買滿$1500可加$28換購, 原價要$128架。因為佢係organic, 所以可以比小朋友啜啜啜都冇問題!
小虎表哥都喺呢間嘢買咗唔少嘢, 摸上手真係好舒服, 好滑! 當然.....係好很貴啦!!!
**另外, 今日下午都收到私家診所來電, 我嘅糖尿測試"全部正常", 真係好開心呀
~~~~~~可以繼續食好嘢, yeah!
!!!星期日幾好天, 有太陽又乾燥, 又係洗衫仔嘅好時機
!
今次比上次得多啲, 有啲倦....
好在有daddy幫手扭乾啲衫衫!
暫時, 我已經洗好晒初生到幾個月嘅衫仔, 仲有好多係媽媽家, 唯有叫佢幫手洗啦。遲下仲要攞啲被, 包被, 睡被比媽媽用洗衣機洗!
龍寶寶個堂叔喺公司攞咗幾件衫仔同睡袋嚟, 多謝晒~~~
啱晒喇, 啲款唔係咁靚, 可以攞去99家用, 整污糟咗都唔肉痛, wakakaka
~~~~
嘩....真係好貴呀!!!!!!!!!!
回覆刪除[版主回覆03/29/2012 10:41:32]Organic 吖嘛........
你可以等一田減價再去買過呀! 我見好多人會去買bb野! 不過小心迫人呀!
回覆刪除[版主回覆03/29/2012 12:28:18]呢間喺一田樓下嘅商店，唔會做特價架，仲話4月加價添呀。一田5月特價未生都想去買護膚品同＂咩帶＂，但都怕比人撞....
我都好鐘意Natures Purest 的BB野,買左唔少
回覆刪除organic cotton 好soft, naturally coloured 好似冇禁多添加野,安心d
[版主回覆03/31/2012 21:23:16]真係好滑。同埋小朋友真係好鍾意放嘢入口，我侄仔成日臨瞓前啜下被仔先願瞓，但買呢啲被就唔怕染料唔安全，放心好多！不過價錢真係貴咗啲~
好貴, 我ar 妹送左個box set比我, 二件衫, 一條口水堅, 一張包被仔, 好似600幾, 不過我用後果張包被仔唔夠暖ar....organics果二件3仔係包腳, 我ar b已經唔啱著lu...
回覆刪除[版主回覆04/01/2012 13:42:30]你嗰張包被遲下就用得著架喇！衫就你留番下個著，唔好比人住，咁貴！
Natures Purest is very nice but very expensive as well haha
回覆刪除[版主回覆04/11/2012 10:18:16]確係貴！不過真係可以用好多年，同埋我見我侄仔瞓覺時會啜被被....應該物有所值！