[開倉] 衫仔

Yo~~~~~多得媽媽會有人報料, 紅磡有童裝開倉, 好近我公司架, 梗係去下啦, Whatsapp咗比兩個同事, 其中一個同事有朋友都會去, 仲好好人咁幫我地執定啲好嘢留比我地揀! 唔洗趕頭趕命又搵唔到筍嘢。之前好多媽媽去咗葵芳嘅開倉, 抵到都係$5件咋!!!!! 不過我唔熟路, 又唔方便.....所以冇去到

今次咁近公司, 點點都要去下架喇! 一放食晏, 彈閘出發! 上到去, 唔係話多人到好緊要...好多人揀晒一大袋衫之後再坐低慢慢揀....我同同事個策略係諗住走一圈先, 但真係太多人我地又怕遲到, 所以只好一排隊邊揀番啲衫仔就算喇!

夏天活潑look!

咁啱揀咗兩款波點, 半截裙好靚呀, 但要搵番件靚衫仔襯番先得~~

cow girl look!

右上嗰件連身牛仔裙係一歲, 我好鍾意呢條連身裙呀, 仲有頂帽仔襯番一套, 佢一啲都唔平架, 要成$60, 但同事話好抵喎.....

其他裙仔, 工人裙/褲都係初生架......大槪$30-40/件, 但真係太可愛, 唔買唔得~

少女look!

其實我主打諗住買冬天衫架, 但冇乜機會落手落腳去揀, 只能夠喺朋友預先執比我地嗰堆揀到少少。呢兩條裙係大啲先可以著, 不過我好like呀, 而且個款都好襟興。襯番條厚身襪, 束番條馬尾, wow~~~靚爆呀!

條半截裙仲有啲金線混咗係入面架, 唔係就咁單色咁普通架!!!!

呢兩件係買比侄仔出年冬天著嘅, 好似大件咗少少....但真係冇時間比我去搵同考慮, 買咗先啦

呢度有11件衫, 用咗$395, 平均35.9/件, 你可以話唔太平, 又可以話好平! 但對比起淘寶, 我覺得呢啲開倉衫會安全啲, 又可以摸上手! 至少佢係堅貨, 好多牌子係mothercare, kingdom, 仲有啲出口去歐洲英國等地, 呢啲國家對所有入口貨都有嚴格要求, 全部都要通過測試架~~~

番到公司睇完又睇, 返到屋企又睇, 真係好開心呀, wakakaka~~~~~

相關網誌:

衫仔!

揀到喇~~~