今日真係超級忙, 冇停過!
喺28weeks時, 先confirm到健康院唔會安排我飲糖水, 因為我唔係高危, 驗尿都ok....但我始終覺得飲下會好啲。因為我有個朋友佢26歲時生咗BB, 早兩年28歲左右佢突然糖尿病發入咗院, 當時check到佢度數去到好高, 自此, 佢一日三餐前都要打針了.....所以年紀輕都有機會有問題! 反正私家都係$280, 比得起!
打咗去私家問, 要去佐敦嘉賓大廈化驗所做, 但星期六冇位.....最後我揀咗今日去飲, 因為下午我仲會去健康院做檢查會有假紙, 可以用全日, 咁我就慳番唔洗比公司扣錢喇!
同平時返工時間一樣起身, 去到9:10a.m.。空肚留小便同抽血, 跟住就飲杯糖水, 糖水一啲都唔難飲, 不過成杯咁甜要一次過飲晒, 真係要抖一抖...同埋會覺得越飲越甜。跟住走得, 一小時後回化驗所再留小便同抽血, 再隔一小時後留多次小便同抽血, 前後兩小時先完成。我仲以為喺化驗所等等等添, 佢叫我走嗰一刻真係好徬徨, 去邊好呢?! 我記得附近有間麥記, 呢啲時候梗係去麥記啦, 估唔到, 呢一小時好快過, 真好~~~第二個一小時, 我行咗去永安....行下嬰兒部, 不過冇嘢買, 又貴又唔抵! 時間又好快過, 轉眼間就完成呢兩小時嘅糖尿測試! 比我想像中易過
~(原來, 同一個位置抽三次血, 係好痛, 一次比一次痛。)
第二日下午就會有結果喇!!!!
成朝冇得食過嘢, 我覺得自己面青青....一攪掂就去對面嘅"澳洲牛奶公司"食個豐富早餐先, 萬一糖尿衰咗, 之後都要節衣縮食了......
其實我一啲都唔知有呢間茶餐廳, 但見5月媽媽會好多人成日都話去食, 話好正, 伙計又好照顧啲大肚婆。我去到, 個伙計真係好好, 又同我開路又叫我坐埋邊, 怕我比人撞到!!!!
呢間茶餐廳好多客, 早餐$26 / 快餐$28 / 茶餐$30, 全部得一款, 仲有其他燉蛋之類嘅甜~~~我揀咗早餐食炒蛋, 啲蛋同奶茶好滑好香, 真係好正呀!
, 係啲通粉淋咗啲啫, 而家都好懷念, 有機會一定會再去食!!!!
睇到杯奶茶...突然好想飲呀!
回覆刪除[版主回覆03/27/2012 12:36:17]真係好正架，再去佐敦的話都會去食。你有機會都試下！
lee 間野我好喜歡食架...有時晚上都會去食架..最like食雞蛋..因為好新鮮..
回覆刪除[版主回覆03/27/2012 14:19:17]啲蛋同奶茶冇得頂！
嘩... 同一個位抽三次血，聽見都打冷震呀！
回覆刪除奶茶，足足7個半月無飲過啦，我都好想飲呀...
[版主回覆03/27/2012 15:49:31]最緊要你自己戒得舒服。我就冇戒口喇，奶茶咖啡都唔係成日飲嘅^^
[懵朱朱回覆03/27/2012 14:40:04]我無飲呀... 足足戒左咁多個月啦，我都唸住臨生前都要飲一杯先，生後就真係唔可以飲啦，戒得重清呀！ 我都未去過，有機會都要去試下先
[版主回覆03/27/2012 14:21:14]奶茶同咖啡都可以飲嘅，一星期一杯啦頂多！如果雀巢再有講座，可以去呢度食嘢先^^
澳洲牛奶公司好出名架~~仲好多遊客去添
回覆刪除[版主回覆03/27/2012 23:39:38]我真係好out,完全唔知道！但我覺得好好味，冇掉架！
我以前係嗰頭返工成日食！！好掛住澳牛炒蛋
回覆刪除[版主回覆03/28/2012 11:52:14]我食過一次都好掛住呀~~
我食過一次...真係幾好呢!!!!
回覆刪除[版主回覆03/29/2012 10:22:17]Yes ar!!!!好好味！愛上了~
呢間我都成日食架, 好好味架~~d伙計粗聲粗氣, 其實佢地都咁細心呢, 哈哈!
回覆刪除[版主回覆03/29/2012 12:14:58]係呀！食得好開心！