結婚公仔

上世紀嘅事了, 話說要幫老友記Q做結婚公仔....噢~~~deadline已經到了, 今個月21號就係大日子喇....

我嘛....終於都完成!!!!! 實在太勞累了, 我想我不會再替人做公仔衫了。最主要原因係, 我手工同功力太過幼稚園, 做得好吃力之餘又唔靚, 冇謂累咗人嘛!!!!

主角就係佢地喇 --- KUROMI 同 SNOOPY!

用啲廢布試下身, 就咁睇....好樣衰



初步咁同佢做個紙樣, 個女仔做到我死死下, 試咗好多次先叫整到件衫出嚟....., 又劃又裁, 縫好又唔啱位, 好煩!

幾經辛苦, 終於可以開工喇, 再唔開工冇功課交呀!!!!

孔雀花紋幾靚, 留來做女仔套衫嘅, 男仔冇乜花, 呵呵~~~

另外買咗D花花飾物做女仔嘅頭飾, 真係好大壓力呢~希望成功啦!!!!!



呢幾樣留來做腰帶嘅~

女仔首先完成!!!! 不過正面嘅孔雀唔夠現, 有啲可惜! 但整體好似幾OK喎, 希望老友記都滿意啦, GOOD LUCK!!!



後面係咁嘅, 不過應該冇乜人留意後面架喇....但都加咗朵花, 一嚟有剩, 二嚟遮下啲接駁位!

買咗啲絲帶做男仔心口個繡球!

繡球整好出嚟個效果都唔錯, 我都幾滿意! 反而係頂帽手工就差咗啲, 但我已經冇晒心機啦, 淨係好想快啲攪掂!

好! 比個全相大家睇下先! 我覺得嘛......遠睇影相絶對冇問題, 但近睇就.....

所有嘢都係我人手一針一針咁縫製, 好似好辛苦, 其實有心機, 慢慢縫就得, 比用衣車更快手!

希望老友記收貨啦!!!! 祝我個老友永遠幸福快樂, 永結同心!

相關網誌:
成功淘寶~

D.I.Y.