每年5月及11月底, 一田都會做特價, 氣氛好好, 邊段時間入去都會好迫。Supermarket, BB用品, 床上用品及旅行喼尤其嚴重!
其實我每次去一田, 主要及首站都係去KOSE入貨! 因為KOSE係公價貨品, 一年365日都唔會有折, 但係呢個時間買skin care就會多好多sample 送, 份量都唔少, 可以幫手吊吊命, 今次一到達, 第一時間衝去敗家!
敗咗唔少呀! 好彩最先到逹, 幾款洗面已經sold out, 我買嘅lotion同乳液仲要係last one! 可能係12月起加價, 其他人就大手入貨, 今次加價都幾甘呀, 最少10%呀! 之後都唔知點算呀! 加咁多....
轉個頭, 飛去O1O睇托腹帶~~~本身唔諗住買嘅, 但我想踩到最盡先放產假, 如果38/39週仲返工個肚會好大好重, 又冇位坐, 所以都係趁早買定有得用, 抵番d!
睇下有冇特價先~~有係有, 不過只限台灣製嘅呢, 有冇咁cheap?!
其實我都想買台灣製, 因為差成一半價錢呀, 台灣$2xx / 日本$4xx。其實就算個sales唔出聲, 大家都知日本製一定靚d架啦, 唔係洗乜賣咁貴又冇折....老公好俾面, 話買日本製佢比錢喎, wakaka~~~咁就揀日本啦, hoho~~
跟住買咗3個睡覺bar, $240--8折。我話買2個架, 但老公話買3個喎, 事後我都有少少後悔買咗3個, 好似多得滯....
最後仲訂咗3個胸圍, 可以著到生及喂人奶時用嘅, 呢個我就覺得抵喇, 因為係$375 / 3個呀, 抵唔抵先???
家姐都有入嚟一田行下, 仲送咗套Peter Rabbit嘅BB床上用品比我, 成$7XX架...我自己一定唔拾得買, 龍寶寶快D多謝姨媽啦~~~
收獲好豐富啊 ^__^ ，我都想去 O1O 買 bra bra ，不過逼唔到入去 .... 嗚嗚嗚
回覆刪除[版主回覆12/05/2011 11:58:37]$375／3個真係好抵呀！wakaka
大收獲..我去一田想買bb睡袋, 買唔到..> <, 不過之前買左disney 聖誕衫比小b
回覆刪除[版主回覆12/05/2011 16:33:55]係咪太多人搵唔到呀？其實一田做折真係抵架，不過就辛苦啲囉！
記住唔好用有美白成份既護膚品呀！
回覆刪除[版主回覆12/05/2011 16:35:40]知道！kose sales話佢地全部都用得！所以唔會轉其他牌子住。你有冇upload新相呀？
不過我都聽聞一田好多人呀~ 永安都就嚟做特價.. 等我8號產檢完去行返轉先~
回覆刪除[版主回覆12/06/2011 14:22:47]我都唔明，係一田咁癲咋喎。其他都冇咁多人~
PETER RABBIT又幾靚喎...係貴左少少呢....不過一分錢一分貨嘛!!
回覆刪除[版主回覆12/06/2011 21:10:23]係呀！我都有問過，最重要係成份唔可以有維他命a^^
[傻瓜‧菲回覆12/06/2011 20:33:12]睇到ANNA MAMI話原來有BABY唔可以用有美白成份既護膚品....我而家先知添.....
生多一件咪抵番囉~~haha~~
回覆刪除[版主回覆12/06/2011 22:42:15]我老公就係成日咁講@0@
BRA BRA 好大WOR.....到時一定奶源充足!!!!!
回覆刪除[傻婷回覆12/07/2011 15:59:28]WAKAKAKA........
[版主回覆12/07/2011 15:43:16]傻瓜！瞓覺架嘛，唔洗咁fit :p