之前話買燉盅燉花膠湯老公都話唔好, 又話我少整又話乜, 今次我可能佢太俾面啲蟲草, 我話買燉盅冇托手踭之餘仲落力幫我搵啱size
。
行咗文記, 日本城, 千色, 最後去咗國貨公司買咗一個中size嘅~~$68, 價錢尚可, 大部份都係呢個價! 其實有個花係紅色雞雞嚟架, 我覺得都幾靚同少見, 但就冇呢個size
老公話買大個少少, 可以燉蟲草烏雞。呢個size, 真係啱啱好呀! 我屋企最大嘅煲都係剛好夠放, 再高身啲嘅話就唔得了, 好在好在
~~
蟲草咁貴, 我都唔捨得落太多, 攞咗8條出嚟, 好珍貴呀
! 加埋啲龍眼肉, 杞子同買咗$24豬展!要展開人生第一次燉湯, 好緊張呀
!
加咗兩碗水。舊骨太長, 要打斜放~~
順利完成! 見到啲色安落晒, 我見媽媽平時燉出嚟都係咁嘅色嘅~~
好似好油咁...
食咗差不多一半豬展, 飽到嘔, 我發覺, 燉完嘅豬展同蟲草係冇晒味, 唔似煲湯咁, 食埋d渣都仲好有味~~
我諗住一個月燉兩次啦, 要慳啲食嘛!!!
間唔中補下....bb好健康d...媽媽又精神d...good呀!!
回覆刪除[版主回覆12/16/2011 10:06:52]係呀！但要慳住食^^
正呀~ E.. 咁唔通敦既話, D肉同D料既精華真係出晒嚟所以連肉都冇味? 咁即係D湯好足料既感覺~
回覆刪除[版主回覆12/19/2011 16:25:24]係呀，我真係覺得啲豬展冇晒味！平時媽媽煲湯我食埋啲渣都覺得好好味，但今次我就覺得冇味唔好吃！
虫草好似用溫水焗來飲最有功效呀...
回覆刪除我都未試過燉野~:P 油可以用隔油湯壺隔左佢~蟲草有咩好處?
回覆刪除[小藍回覆12/22/2011 08:17:14]我係去老爺度食飯先會飲湯, 又食又拎, 有時老公買送都會買湯料, 我放工返黎煲, 自己就好少買, 又貴又重…間中會去鴻福堂換花膠湯飲
[版主回覆12/21/2011 23:52:16]其實我都好少燉／煲湯，我自己就覺得只要個大人開心，食乜都會吸收，bb就會健康囉！
[小藍回覆12/21/2011 23:44:40]哈哈~不過我都冇唸住特別補, 本身已經好食得…
[版主回覆12/21/2011 23:34:43]魚~~~我以為你已經知道咗唔好食花膠嘛，好似話會令人奶變稠喎。所以我就答你可以食蟲草囉，haha~~
[小藍回覆12/21/2011 22:30:57]我講緊花膠… ^^"
[版主回覆12/21/2011 22:26:17]應該冇問題，我弟婦都係餵人奶都有食蟲草！
[小藍回覆12/21/2011 22:19:18]適唔適合坐月食? 只知食花膠好, 不過生完如果餵人奶到時就唔好食咁多膠質
[版主回覆12/21/2011 21:53:20]係咪滋陰嗰啲呀？我淨係知好嘢咋！
好貴ar,如果陀得冇乜事，蟲草留番坐月食la, 我未燉過湯，其實用電燉盅好定係明火好？呢個燉幾耐？因我坐月都要燉野
回覆刪除[版主回覆12/21/2011 21:52:32]係呀，咁我留番生完先食^^。媽媽同賣燉盅嘅阿姐都話燉2小時就ok, 我都係用電磁爐架咋，好似話電子燉盅唔洗睇火嘛，我用電磁爐都冇煲乾水~
正呀, 我都好想飲 ~
回覆刪除[版主回覆12/22/2011 21:05:36]你得閒都燉下湯啦^^