踏入14weeks開始, 我覺得害喜情況舒緩咗。
尤記得5weeks尾段開始, 個胃連續幾日胃頂, 個胃好實, 打後幾個星期只要一肚餓就會反胃, 肚餓嘅感覺=反胃同不適, 我知道相比起人家食又嘔唔食又嘔已經舒服自在, 感恩!
其實我都試過差一點就堅嘔架喇! 有次坐車返工, 好想嘔, 啲口水係咁流, 我就係咁吞, 係架車咁多人點嘔呀??
另一次係, 放工回家, 已經餓到冇晒力又勁反胃, 平時反完胃就算, 嗰次又係勁出口水, 又係勁勁勁吞先攪得掂, 真係嚇鬼死呀!
呢個星期開始舒服咗好多, 唔會呢頭食完早餐嗰頭又肚餓, 每朝早都買定好多嘢回公司食!
我老公都好識做, 自動波買生果, 餅乾, 麥皮比我帶返公司食。以佢咁"老實"嘅人, 真係比到驚喜我架, haha~~
前日, 老公經過生果舖, 買咗盒士多啤梨比我呀! 成$95架, 我真係唔捨得買呀, 多謝老公!
(話比大家知, 呢隻大盒裝有柄士多啤梨, 旺季係百佳賣最平係$39架咋, 有興趣嘅留意一下
)
$95盒士多啤梨,你老公真錫你哩!
回覆刪除[版主回覆12/11/2011 10:32:11]真係太貴喇！我在場一定唔比佢買，但都好開心嘅，因為佢平時＂好老實＂嘅人^^
烚粟米、自製三文治、烚蛋...健康好多又飽肚嘛....
回覆刪除[版主回覆12/11/2011 22:57:09]係呀，同埋平啲添^^
粟米都幾高糖, 我唔敢食咁多呢…不過已經連續食左幾日…
回覆刪除[小藍回覆12/13/2011 08:02:43]我飲平時o個d三花高鈣低脂咋, 不過安怡應該都冇惠氏咁甜, 甜可以落少D奶粉沖
[版主回覆12/12/2011 22:28:33]我都有罐安恰奶粉，我冇飲媽媽女奶，太甜飲唔落喔！
[小藍回覆12/12/2011 17:04:15]我今朝都係食呢2樣呀~不過係奶粉沖, 公司長期有罐奶粉o係度, 平時早餐多數食麥皮, 依家唔敢食咁多澱粉…轉左食蛋…
[版主回覆12/12/2011 16:51:26]係啦，明天早餐就烚蛋+奶奶^^
[小藍回覆12/12/2011 16:31:38]食蛋飲奶最好
[版主回覆12/12/2011 16:20:30]係咩@0@?!咁食咩好呀？？
$95 好貴...你老公好錫你同BB呀!!!!
回覆刪除[版主回覆12/12/2011 17:37:46]所以百佳有得賣之後我會入多啲貨，溝番淡佢^0^
你老公好好啦, 我老公都冇買過健康既嘢比我食.. 杯麵佢就買過.. 唉..
回覆刪除[版主回覆12/19/2011 16:27:28]因為一路上我都成日話呢啲冇益嗰啲冇益嘢。而家有咗，佢仲買嗰啲咩，不過我有食薯片同麥記，呵呵~