今日又去健康院產檢, 準時2點去到, 攞咗44號籌有排等。
坐咗一陣就去驗尿, 磅重, 量血壓。又出去等lu~~~
飯氣攻心, 坐坐下勁眼瞓, 瞓著咗, hehe
一路輪住入去見護士, 未夠4點就到我喇。今次終於聽到龍寶寶心跳喇, 真係有dd似狗仔叫聲, 或者用"法法"聲去形容, 好得意!
跟住問咗護士我係咪過重, 計一計, 係重咗少少, 我已經重咗7lbs喇
, 每朝磅重都有重到, 我自己都驚驚地呢.....我都知我食得勁嘅, 但唔食多d, 一陣間又唔舒服反晒胃咁, 我會好好咁改善, 目標係, 整個懷孕過程不可過30lbs!!!一定得架!
仲問咗護士而家仲要唔要食葉酸 (我嘅家庭醫生話食頭三個月就ok, 但另一個婦產科就話食到5-7個月), 護士話可食可唔食, 食到生都冇問題。因為我過重咗少少, 護士叫我停飲媽媽奶, 其實我都冇飲, 連鮮奶都少, 咁點補鈣質呢? 佢話可以食補充劑, 如: MATERNA。佢問我食唔食, 食嘅呢可以開比我, 一問之下係唔洗錢, 咁你話食唔食吖??!! 梗係食啦, wakaka~~~一樽成百幾二百蚊架, YEAH!!!!
因為之前去威院照oscar, 講開B鍊我未有前中過, 威院護士叫我帶定報告係身, 今次護士話咁樣就見一見醫生啦, 問下有乜可以做。我梗係話好啦, 因為我要見醫生先可攞假紙, 否則又要扣錢了~~
等咗一陣好快就可以見醫生, 繼續講有關B鍊, 原來佢地剛剛收到消息由出年1月起, 健康院會同孕婦免費做B鍊, 到時我又可以慳幾百唔洗出去自己驗lu (其他健康院／醫院有冇一齊實施就唔清楚喇)~~~真係超開心啦, 邊個話去健康院做產檢晒時間同冇用架??!! 我覺得好好喎, 又有免費Materna, 又有免費B鍊, 又有假紙。懷著暢快心情離開, 返娘家食飯, yoyoyo~~~~
媽媽知我嚟, 煲咗魚湯比我飲, 正到爆呀!!!
臨走時, 媽媽仲靜雞雞比咗d蟲草呀, 好大條架, 以而家市值應該有成皮嘢架, 多謝媽咪!!!!!!
9月24日體重: 114.2lbs / 32.5"
10月22日體重: 114.2lbs / 33.5"
11月7日體重: 115.6lbs / 33.5"
11月25日體重: 119lbs / 34-1/8" (點解突然間重咗咁多嘅???!!!)
12月4日體重: 119.2lbs / 34.5"
(P.S. 肚圍當中有2" 為肥膏)
真係又食又拎wor.......一個字!! "yeah"!!!!!
回覆刪除[版主回覆12/08/2011 12:11:50]唔洗怕，大6婆去健康院要比$架（應該）！
[傻婷回覆12/08/2011 11:18:04]D 虫草燉完..可以再切粒蒸肉餅一齊食!!!
[傻婷回覆12/08/2011 11:15:39]唔貪心, 係e院拎的係我地香港人既福利!!! 唔好益哂d大6婆!!! 媽咪比的..係做女既福份黎架!!!!! 分開燉啦!!! 你買d花膠唔cheap 架喇!!!!
[版主回覆12/08/2011 11:09:05]係啦，攪到我好貪心咁＞＜。係呢，蟲草可否同花膠一齊燉？但我啲花膠咁cheap會否浪費咗啲蟲草呢？
世上只有媽媽好~幸福、幸福!!! 原來健康院有 Materna 派咁好o既，我食左 Materna 之後就無再食葉酸，因為 Materna 入面都有葉酸。
回覆刪除[版主回覆12/09/2011 11:39:45]係啦，未嫁前仲成日發埋啲無謂脾氣，而家勁後悔＞＜。你有冇去健康院呀？你問佢攞啦，我仲有少少葉酸未食晒，食埋就轉呢個。
健康院屬唔屬政府的? 公立的?
回覆刪除[Hitomi回覆12/15/2011 22:59:14]下年龍年恐怕香港人自己都爭到傻~HAHA
[版主回覆12/13/2011 20:00:10]@0@。我唔敢諗呀，我知係今年年中某啲醫院完全唔收大陸人，有啲就有限額，唔知佢朋友係咪水尾，所以仲係爆。但我一定冇可能去私家囉＞＜
[Hitomi回覆12/13/2011 19:56:56]星期日同表姐傾計食飯(佢3月會去私家醫院生)~佢話佢個朋友在公立醫院生~
不過是在走廊生(廣華)@@!! 聽完都有D汗@@!!
[版主回覆12/11/2011 10:27:55]公務員間房靚啲添架！
[Hitomi回覆12/11/2011 02:30:28]haha~我未生架我了解下架咋~因我是公務員所以一定去政府~
[版主回覆12/09/2011 21:47:13]政府架! 你會去私家定政府生?
嘩，你呢次產檢真係勁喎，滿載而歸呀！
回覆刪除[版主回覆12/14/2011 12:27:09]勁開心^^