給龍寶寶最好的營養

之前媽媽比咗啲蟲草同燕窩我, 我都唔敢唔食~~ 始終要補要比營養都係靠呢幾個月, 因為頭三個月其實唔需要補太多, 一嚟胃口唔太好, 二嚟又怕虛不受補, 跟住最後嗰個零月又要keep下, 以免谷得太大隻。所以, 要係4-7個月食多啲有營養嘅嘢!

媽媽話一次過食一盞燕窩好似太多, 怕難吸收! 所以我之後一次過燉三盞, 再放入雪櫃, 每次食一湯匙。 結果, 三盞只可以食到六至八日~

配豆漿!

配鮮奶!
食晒啲燕窩後, 發覺唔可以食得太密, 否則媽媽比嗰啲燕窩會好快食完....可以用燉湯隔一隔。

買咗$20瘦肉! 買呢舊豬肉, 比$100但唔忘記找錢....懵下懵下咁, 好彩返轉頭豬肉佬都仲忘得, 找番$80比我咋~~~~

仲加咗啲果皮, 杞子, 龍眼肉, 一條花膠筒, 十條蟲草, 加兩碗水燉兩個半小時~~~



送咗一碗比老公飲, 老公都要身體健康架嘛, 係咪?!

希望龍寶寶多多吸收, 肥肥白白, 健健康康呀, 知道嘛!!!!!!