龍寶寶嘅戰車

原本係有架二手combi車嘅, 我一心都諗住照用架喇! 慳得就慳嘛....

直至到上個月, 媽媽攞咗出嚟比我睇, 又話架車殘又話好耐歷史, 係咁彈.....咁我話, 等老公睇睇, 再決定啦 (個外型又係衰咗少少嘅)~~~

老公睇完可能唔係咁啱心水又嫌車身太窄。因為8個月嘅侄仔坐咗上去後都好迫下, 冇位郁! 可能老公又覺得已經慳咗啲錢唔洗買龍床, 用啲錢去買架戰車都OK! 咁決定呢架車留嚟比侄仔去街市坐, 因為原先侄仔架戰車都好大架下~

其實未有BB前, 已經睇中咗Peg Perego嘅P3:-
我鍾意佢係made in ltaly;
二嚟我又鍾意佢車轆夠大, 車身夠高, 食少啲塵;
三嚟我又鍾意佢收納方法, 摺好後瘦瘦窄窄咁棟係度, good!

好可惜, 佢淨重要8kg, 又唔可單手開合, 我一個人冇可能又抱龍寶寶又攞車, 老公話咁重我一個出街好辛苦所以放棄咗。加上又話有二手車, 當初媽媽都冇彈架車嘅, 而家又話唔好喎, 又話送一架比我 (梗係唔洗啦)! 好啦, 咁努力去搵啱心水嘅戰車。

去咗元朗千色, 不過款唔多, 所以都去埋一田睇! 我就想搵一架可單手開合嘅戰車同輕嘅, 咁出名輕身嘅牌仔有combi, 呢架車重6.5kg, 老公就鍾意佢入面有個厚墊, 初生BB唔夠大隻時可以幫下手, 唔洗係架車入面浪浪下!

但可惜車身同二手車一樣又係窄, 因為同一個牌子嘛! combi嘅9成都係呢個尺寸: 70x35cm!

大家如果有諗過買combi車要考慮其中一點, 係佢車身真係比較窄。正如我上面提到, 8個月大嘅侄仔試坐都幾迫, 一嚟冬天著多咗衫啦 (試坐時係冇著褸架), 但可以肯定一點係, 我個侄仔只係中碼B, 如果係大碼B或者再大啲坐就一定迫。而且我上網睇過, 好多post講買BB車, 都提及, 去到1歲左右因為架車迫而要買過部! 所以我老公去到一田睇車時, 佢成日走咗去睇Peg Perego (我幾有眼光)。
 

而且摺合後都比較阻掟, 因為唔係我like嘅收納摺法! 不過就可以單手開盒, 但價錢都要$28xx, 其實一啲都唔平! 咁當然留番有折時才買啦~~

之後都有去千色行下, 兜兜轉轉我雙眼都係望住Peg Perego, 冇計啦, 話晒係made in ltaly! 老公比我推介後又成日流連喺Peg Perego身上!

S# SI 及 P3喺千色, 正價$3490 / 一田, 正價$3690。其實佢嘅價同combi只差$700左右, 但你好明顯見到Peg Perego車用料係靚好多! 不過另一個重要問題係車重, SI 好似係6.Xkg, P3要8kg! 真係好重!!!!

點知老公最後比我買SI喎, 佢話同combi差唔多重呀! 事情再進一步係, 我最後揀咗 P3, 因為我鍾意P3個蓋可以拉到好低, 如果龍寶寶日頭瞓咗可以遮到佢, 而且P3比SI多4個轆同高身啲, 加上我單手一樣攞唔起SI, 所以我都係揀番P3, 估唔到我會買P3喎, 哈哈~ 

咁我就上網買, 睇下要幾錢啦! 因為之前睇blog知上網買平好多，而且媽媽會都有人上網買過P3。但上網後發覺有好多唔同價錢, 好多顏色, 好眼花, 仲有新款舊款, 多到呢...分別去咗以下兩個網格價, 因為媽媽會介紹!

1) http://www.albeebaby.com/peg-perego-si-strollers.html
--- 呢個albee baby比較煩, 唔會送外國, 要另外搵公司代寄。媽媽會話搵bidbuy4u, 但好貴又耐, 要收HK$570寄船, 要等幾個月架, 仲要加HK$80服務費, 即要HK$650雜費。仲有樣煩呀, 佢公司係銅鑼灣, 一係自取一係再叫速遞....omg!!!

2) http://www.amazon.com/s/ref=Baby_logos_peg1?ie=UTF8&bbn=165796011&rh=n%3A165796011%2Cp_4%3APeg+Perego+USA%2Cp_6%3AATVPDKIKX0DER&page=1&pf_rd_m=ATVPDKIKX0DER&pf_rd_s=center-9&pf_rd_r=0QXSAD2AQN3WCQMBYD5M&pf_rd_t=101&pf_rd_p=1343047402&pf_rd_i=165796011
--- 呢間amazon個價同albee baby一樣, 仲可以直接送到你屋企! 你可以揀4日快遞HK$290或者8-16日空運HK$153, 你話係咪好good呢!!!

原先諗住揀呢個色嘅, 因為早幾日只係US$199.99 (HK$1609.9), 好抵! 但佢係2010年舊款, 過咗幾日又加咗價, 要US$219.99~



之後老公話, 差少少不如買部新款啲啦, 咁就係2011年款嗰批再揀。最後揀了呢隻黑底白花US$263.2 (HK$2118.76)。我好心急嗱嗱淋叫弟婦幫我買, 因為我公司冇得上網唔方便, 點知, order了唔夠半小時, 比我發現咗一樣嘢........



落完order後, 我架車加咗價喎!!!!由US$263.2加到US$298.88, 貴咗US$35.68 (HK$287.22)。又會咁嘅?! 係因為我買咗佢加價, 定咁啱佢調整價錢呢??? 真係好好彩呀!!!!

最後加埋運費, TOTAL: HK$2272。
如果喺香港買, 當嚟緊一田BB展做85折加一田卡95折, 我有張$50 coupon, 最平都要:-
HK$3690X85折X95折-$50coupon = HK$2930
而家我就平咗HK$657。


希望架車100%完整無缺, 1 TAKE PASS啦!!!