約咗10:00am, 同返工一樣咁早起身, 下次都係約下午好d!
去到冇人, 就填form入媽媽會, 上網見人話係私家入會多d嘢送, 睇下係咪先~~~
填咗幾間, 得雅培有即時入會禮物, 但出手好重, 有兩罐初生奶粉, 襪仔, 手套仔同兩包媽媽奶試飲裝, 唔錯唔錯!
等咗一陣就叫我喇, 仲以為醫生未返, 原來已經返咗, 入到去問咗兩句就上床照lu~~~
好緊張呀! 今次來, 主要係照龍寶寶性別, 我成日摸住個肚問寶寶係男仔定女仔呀??
寶寶好乖呀, 定定咁比醫生check清楚, 大家估下佢係男定女~~~不過以上嘅相係冇一張係私密處, 等我講啦, 龍寶寶係女仔嚟架!
醫生好肯定龍寶寶係女仔, 再照埋頭骨同大脾骨, size正常, 胎盤位置正常, 羊水都正常, 一切正常, very good!
照照下....
醫生話: "你個b都幾大隻喎~"
我話: "吓?! 我唔要巨b呀><"
醫生話: "哦~ 巨b係另一啲嚟嘅, 應該唔會"。
嚇得我吖
!!!!!
之前已經答應龍寶寶知道性別後, 會送件衫衫比佢, 行咗一田, 但睇唔啱, 好多都係凍天衫, 最後去咗荷花, 買咗一件薄薄嘅和尚袍, 應該啱龍寶寶5/6月出世時著。
好開心, 終於有少少似一個媽媽, 買咗第一件衫衫比自己嘅囡囡, 感覺好溫馨好開心, 呢種感覺好難去形容
。我已經成日諗住點同龍寶寶扮靚靚, 雖然我想第一胎係男仔, 但其實我係鍾意女仔架, hehe~~~
咁啱前一日收到O1O電話, 之前一田大特價訂咗3個孕婦BARBAR有得攞, 可以順路攞埋。試咗都OK, 原來原價係$250個架, 而家$375/3個, 好抵呀!!!
仲買多兩條孕婦底底, $45條, 之前係龍珠買嗰兩條太鬆, 著得唔舒服, 可能要留番遲D再肥D才著到~~不過, 冇咁肥著唔到我都絶對唔會介意嘅, WAKAKA~~
9月24日體重: 114.2lbs / 32.5"
10月22日體重: 114.2lbs / 33.5"
11月7日體重: 115.6lbs / 33.5"
11月25日體重: 119lbs / 34-1/8" (點解突然間重咗咁多嘅???!!!)
12月4日體重: 119.2lbs / 34.5"
12月19日體重: 121lbs / 35-1/8" (噢, 已經衝突120lbs喇, 驚驚)
(P.S. 肚圍當中有2" 為肥膏)
。就係狂打噴嚏狂流鼻涕, 好似人地大傷風咁, 頭一日仲以為自己真係傷風。開頭呢, 都係早上會咁, 下午都冇乜嘢, 但呢兩日一路打噴嚏狂流鼻涕一直到下午, 唉.....請問大家有冇方法可以改善一下呢???
~~
! 加埋啲龍眼肉, 杞子同買咗$24豬展!
其實我都想買台灣製, 因為差成一半價錢呀, 台灣$2xx / 日本$4xx。其實就算個sales唔出聲, 大家都知日本製一定靚d架啦, 唔係洗乜賣咁貴又冇折....老公好俾面, 話買日本製佢比錢喎, wakaka~~~咁就揀日本啦, hoho~~
