雅培講座

2012年1月15日 (星期日), 11-1:00pm

係5月媽媽會見到有人post雅培有講座, 仲寫住話有"豐富禮品", 經過上次係診所填form即時有豐富禮品送, 同時又見其他媽媽話雅培出手好闊綽, 哈! 我即上網申請啦, 呵呵~~

大槪12月低申請, 去到1月頭已經見有準媽媽話收到call confirm有位, 同時亦有準媽媽post番之前去完講座嘅相, 真係勁多禮物架, 同雀巢真係冇得比架, 仲有就係內容都比雀巢堅好多, 我份人一向都心急架啦, 見冇電話收就打去hot line問下係咪已經通知晒所有準媽媽, 好彩答案係最遲3日前會有call同SMS, 好在! 仲有希望!

估唔到第二日就收到call喇, confirm時間係上午11點至1點。嘩! 3小時, 好長, 應該唔少嘢, 真係要食定嘢帶定水去呀。今次我會單拖出度, 冇計啦, 老公返足6日, 得星期日佢可以休息下, 比佢瞓下啦.....

準時11點到, 登記後派一個folder, 入面有好多form填, 有HUGGIES, mides, 迪士尼, BB CARE。仲有一張雅培媽媽奶優惠form, 可以以$183買1送1, 再送一個玩具, 但我就冇買喇, 因為我唔鍾意飲媽媽奶呢~~~

今次個講座比雀巢嘅內容好好多, 雖然係3小時, 但時間都好緊迫! 先有專家講解胎教嘅重要性, 點做胎教為最好, 有咩方法等等...。仲有醫生講下初生嬰兒身體變化, 雖然係一d好basic嘅嘢, 但好有用, 因為初做人父母已經雞手鴨腳, 可能原先覺得好正常嘅事, 到發生咗係自己身上又會變得好騰雞, 而家知多d資料, 到時應該會好d!

最後抽埋奬就可以解散出去換禮品喇!

 

嘩~~~~真係堅多呀!

--- mides有一條口水肩, 手襪!
--- HUGGIES有20塊初生嬰兒尿片, 兩張買1送1尿片coupon
--- 雅培有一條口水肩, 衫仔同毛巾
--- 仲有其他禮物都好實用添架!!!! 超開心呀!!

相關網誌:

雀巢講座