2011 聖誕及除夕

2011年聖誕節, 是我第二年跟老公過聖誕!

 

上年在家煎牛扒玩煮飯仔過二人世界, 今年, 肚內多了龍寶寶, 去到邊都係三人世界!

 

24號平安夜要返工, 放工先去做按摩relax下! 真係好爽呀~~~~特別request要按肩頸及坐骨神經位置, 好舒服呢!!!!

 

今年平安夜真係好凍呀!老公收工打比我, 問我今晚係咪去鋸扒。真攪笑, 我就想氹佢開心打算打邊爐, 老公又想氹我開心話出去食西餐。最後, 佢見我主動話打邊爐, 更係揀打邊爐啦, 咁凍就啱晒啦, 又有feel~~~haha~~~

回家中途接到弟婦電話, 原來佢地一家三口冇地方想去, 心思思又想來我家, 咁啱又想打邊爐, 最後又來我家了, yeah!!!

25號聖誕節, 懶懶的一天! 我同老公都係自閉人, 不太喜歡熱鬧。和老公一起睡到中午, 點了老公買外賣回家吃, 晏一點才落街行下, 乜都冇買回家又瞓一陣! 可能有咗龍寶寶, 老公話夜晚都唔好煮出街食, 咁是但啦, 最後去咗太興食燒味飯行一陣又回家。老公買咗新game打到兩點先瞓, 我就12點上床lu~~~

 

26號boxing day, 一早book咗枱去尖咀食燒牛肉 --- 伊呂波。

 

因為夜晚太貴, 所以我地只會來吃lunch set, 買單$300, 好味好滿足!

 

之後行去海洋中心bb用品嗰層, 冇乜嘢買, 一係就勁貴, 名牌喎!!!我呢d平民真係冇能力買名牌bb用品呢~~

 

跟住落旺角行咗一陣就回家了, 係咪好無聊呢??

 

回家又瞓下, 一瞓醒已經7點半, 又點了老公去買外賣, 一日時間好快過, 仲淨番一日假期咋!!!

 

但可以跟老公一齊過, 咩節目幾無聊都開心嘅!

 

出年嘅今日, 龍寶寶應該6個月了, 到時一家四口(包埋kuromi)出去影下聖誕燈飾啦!!!


2011年12月31日

星期六, 要返上午! SHIT!

約咗弟婦一起整頭髮! 我呢....只可以剪同焗油啦, 髮型師話大肚都可以染髮及負離子, 但大家覺得呢? 連西醫都覺得可免即免, 我諗我都係坐完月返工前才大攪一次吧!

整完晒都成5:30喇, 弟婦佢地又想來我家玩啦, 哈哈~~

所以一齊返沙田, 接埋細佬同小虎仔就出發了! 7:30到了元朗, 好好彩, 等了15mins就有位泊車, good呀!

叫了壽司及pizza外賣, 跟住一齊睇電視倒數, 咁就過了一年喇!


祝大家新嘅一年, 身體健康, 心想事成!