有時想播歌比龍寶寶聽都冇機用, 又唔想下下開電腦, 有時想夜晚臨瞓前聽下好唔方便呢, 又要起身熄電腦....
今日終於的起心肝去睇下啲HiFi仔! 去咗豐澤同百老滙, 不是太貴就係太大部
, 唔啱心水!最後去咗一間cheapcheap店, 主打買部價錢平嘅!
大陸雜嘜牌!
勝在價錢平, 又可聽收音機及用USB, SD播歌! 當然不能要求佢高音甜中音準低音勁啦, 但方便我帶佢周圍走 (其實都未必會周圍走)。懷咗又唔肉痛! 價錢只係$239咋!
至於聽咩歌, 都係主打純音樂啦, 胎教嘛!
好耐之前已經買落唔少, Vanessa Mae係家姐買落, Maksim, 小提琴及鋼琴101係我買嘅。有三隻專比胎教係弟婦比嘅, 迪士尼係入媽媽會送嘅!
最攪笑係我試機用咗Maksim嘅電子鋼琴來試, 我老公話我用呢d嚟胎教會唔會嚇親呀?! 有時見佢比我仲緊張龍寶寶, 真係好心甜呢
!噚晚龍寶寶冇乜點郁（佢通常日頭郁多啲），我夜晚開咗音樂後，佢就郁咗好多下，好得意！唔知佢係耍拳定腳踢呢~
其實最好係爸爸講故事或唱歌！
回覆刪除[版主回覆01/10/2012 09:52:39]嘩！唱歌有難度，hoho~~咁講故事係咪要對正個肚呀？
我呢家隔晚臨訓都俾bb聽一陣音樂先訓.....
回覆刪除不過聽黎聽去都係o個一隻cd, 睇黎我要出去買多幾隻先得..
[版主回覆01/13/2012 15:10:36]我都係盡量瞓前聽下，唔係就冇時間聽啦。我諗住遲下會聽啲流行曲！
你又話聽王菲~ WAHAHAHA.. 我而家少聽音樂了~ 勁懶.. 轉了老公講故事..
回覆刪除[版主回覆01/13/2012 15:38:36]會呀！未有時間呀，努力慢慢播！
用電話聽咪得囉?
回覆刪除[小藍回覆01/14/2012 12:49:19]用電話search~想聽咩即search即有
[版主回覆01/14/2012 12:47:49]因為我連過歌都懶@0@