威院照結構 @ 21weeks3days

2011年1月20日 (星期五)

最後一關呀, 終於到咗照結構嘅大日子! 老公已經收爐, 可以陪我去, yeah!!!!!

威爾斯比咗3:30pm嘅時間我去照結構, 3:00pm已經到達, 等呀等...等呀等.....等到5:30pm先到我呀! 威院係由助產士照嘅, 助產士好nice呀, 之前係FACEBOOK嘅媽媽會話去威院照完好擔心又失望, 一係話個姑娘串冇反應, 一係就話唔夠10mins就出番嚟....好在, 都唔係佢地講得咁差~~

問咗一d資料, 就上床照喇, 嘩! 一照時, 龍寶寶大個咗好多呀! 不過又比護士話啦, 佢嘅姿勢no good 呀, 上次度頸皮已經比姑娘話曳曳, 今次又係咁, 點都唔肯郁, 哈哈~不過都要照咗可以照到嘅部份先!

我嘅寶寶曳曳呀, 雙手雙腳借住個咀, 照唔到個咀唇, 個patpat又貼到個胎盤實一實, 都照唔到條尾龍骨, d手指腳指都係緊緊照到, 人地係打開手板數手指或者成隻腳板咁睇, 我就要數點點, 數晒廿點, 打打呀! 照咗半小時有多, 龍寶寶都唔願郁, 冇法喇, 要出去行下, 我唔敢坐呀, 郁下扭下希望佢轉姿勢!

5:50pm左右又番入去再照, 今次寶寶乖喇, 冇遮住面面, 仲打喴路又伸脷添, 清楚見到冇兔唇, 助產士見到佢打喴路都好開心, 仲play back一齊睇佢條脷添呀! patpat都有少少離開個胎盤, 照到條尾龍骨! 咁樣又照多15mins, 真係抵到爛呀!!! 所有size同21weeks3days好吻合, 胎盤位置同羊水等樣樣都ok! 我可以安心過龍年啦, my babe~~~~~6:10pm終於走得喇, 仲倦過返工呀!

跟住撘車出新城市食咗飯先~~~

揀咗呢間IKI嘅日式鐵板燒, 一人一個set, 味道都ok啦! 老公話冇伊呂波咁好味喎! 又點同呢, 人地一個lunch set都要一舊水, 你而家dinner set又係一舊水, 真係一分錢一分貨架!

上一層有Haagen-Dazs, 硬雪糕孕婦可以食, 食番杯先~~

跟住行咗一田一陣就回家了, 冇乜嘢需要買, 而且2月有BB展, 到時再算啦!!!!!

9月24日體重: 114.2lbs / 32.5" 
10月22日體重: 114.2lbs / 33.5" 
11月7日體重: 115.6lbs / 33.5" 
11月25日體重: 119lbs / 34-1/8" (點解突然間重咗咁多嘅???!!!) 
12月4日體重: 119.2lbs / 34.5" 
12月19日體重: 121lbs / 35-1/8" (噢, 已經衝突120lbs喇, 驚驚) 
12月28日體重: 123.2lbs / 35-1/8" 
1月13日體重: 125.6lbs / 35-3/4"(應該好快會去到130lbs...)
1月20日體重: 126.2lbs / 36" (一個星期重咗lbs嘅??!!!)
(P.S. 肚圍當中有2" 為肥膏)