北海道 - DAY 2 (下)

2010年7月1日 (剛好是一年前呀, 時間過得很快)

話咁快第二日嘅行程就已經完咗一大半, 大槪5點就到咗KURORO酒店, lobby超大, 好鍾意中空設計!

床好大, 好正!

床腳對住個小客廳, 可以諗到間房都唔太細架!

呢個洗水盆係開放式嘅, 我已經分配咗比老公用喇!

好鍾意呢間房嘅廁所設計, 坐廁係獨立一個room, 唔怕被人騷擾唔怕阻住人!

仲有一個洗手盆同浴缸為一個room! 呢個洗手盆已經比我霸咗, 如果浴室都有一個坐廁就更perfect喇。我地會係呢度瞓兩晚, 超爽!!!!

放抵d嘢, 我地就換衫去浸溫泉, 所以冇影相喇! 去浸溫泉之前, 我地去book位食今晚嘅晚餐, 期待!

浸完就上番房, 擺好d嘢, 就趕住去食晚餐喇~~~~

我地食懷石料理呀, yeah!!! 大家唔好介意我嘅素顏, 因為已經沖好涼唔想又化妝呢.....我地揀呢個團其中一個原因係, 景點比較近, 減少車程時間, 另一個原因係, 我地會有 3000yen一位嘅晚餐資助架, 我地住兩晚就有共有6000yen喇! good!

呢間餐廳共有3個set dinner, 我地揀咗中價餐 --- 4500yen, 即我地出1500yen (即HK$129一位, 當時對8.6), 就可以品嚐到一餐懷石料理, 好正呀!!!!!

好鍾意呢個凍烏冬呀, 好爽好彈牙!

有一D漬物同魚生, 魷魚好鮮呀!

天婦羅冇乜特別, 但炸漿啱啱好唔會太多~

嘩! 呢隻毛蟹腳好正呀! 好甜啖啖肉, 好想再食呀~~~~

呢個食, 再加多500yen嘅, 有魚子, 蟹肉, 海膽飲, 好好好好味呀!!!!!

我呢個就係跟餐嘅, 就咁係三文魚+魚子飯, 一樣好好味!!!

味品。唔知係乜, 但應該係布丁, 不過帶一點兒苦味, 但都唔錯同幾特別!

小寶嘅探親之旅係一個夾公仔機入面偶見....成個北海道都唔見有kuromi公仔嘅....

 

相關網誌:

北海道 - DAY 1

北海道 - DAY 2 (上)