中咗副流感

話說星期五朝早已有好輕微的咳、放學後就不停咳，咳唔停😷！

比佢食番平時食開嘅感冒成藥，但一連三日到星期日都冇好轉（中間轉過藥），食咗藥都不停咳！咳！咳！鼻水長流🤧，keep住有啲燒🤒，最高上到39.X，幸好精神好好，肯玩肯食！

去到星期日晚準備上床瞓覺，一路咳唔停仲咳到想嘔，精神一下子又變差了，1516去睇急症？夜診？還是明早去睇家庭醫生⋯⋯🤷🏼‍♀️

最後都決定去睇急症（因為啲夜診醫生實在太流），一出廳條友又鬼打咁精神，真係唔多想去，不過最後都去咗！

去到博愛醫院已12:20am，得一個醫生睇症，進度好慢好慢🐌，最後要3:xx先到我地👩🏻‍⚕️，等了3小時，照肺X-ray超勁快，唔洗等就有得照、又過了一小時再見醫生話肺有花係肺炎🤦🏼‍♀️，話要過屯門醫院兒科留院🏨，又再等⋯⋯⋯到了5:30先上白車🚑去到都6:00了。去到屯醫就好快上病房了，一路都唔洗等，我見姑娘另一位姐姐帶羊咩咩上病床換衫做準備⋯⋯好快都有後生女醫生做檢查話肺冇雜聲唔似係肺炎🙄，唔夠一陣又另一位醫生話聽到有聲係肺炎🤦🏼‍♀️🤦🏼‍♀️

7:00派早餐，食粥🥣，之後又一輪醫生巡房時間話肺炎打枝針先💉，仲要去抽鼻液、胃液同血🌡做種菌同化驗，轉個頭就被帶走了，返嚟喊到死死下🤣⋯⋯

好彩佢一路都好精神，心定好多！

醫生巡晒房，我決定極速飛㚏回家收拾收拾，來回個多小時，真係好快架喇！其間醫院打咗兩次電話☎️來，仲比電話📞同羊咩咩傾兩句添，媽媽已經好快架喇🏃🏼‍♀️💨💨💨，快到喺樓梯到仆一仆添🤪😳🙄。返到病房走廊都未轉彎已經聽到喊聲，眼淚臭涕成面都係，成塊面都濕晒😅，仲已經打咗針💉、同種咗豆豆！（唔怪喊到咁慘😅）

估唔到佢好乖冇攪過粒豆又冇話要拆走，好叻仔😘

入咗隔離病房，所有人都嚴陣以待！醫護人員嘅即刻裝備每天用量極高，好唔環保但又有咩方法呢？！

你睇下佢個得戚樣🤨

瞓得好冧😴！呢條友仔真係好乖，冇嘈要走、冇扭落地、好乖留係病床、仲瞓咗兩場晏覺👍🏼

好好彩，留咗一晚院就比出院回家🏠，再留多晚我真係好難頂（隔離床個妹妹已經留院三晚了，準備第四晚，仲未搵到源頭），我又掛住家姐又擔心老公攪唔掂（佢返工已經好倦了）。

臨出院有埋報告確診 —— 副流感！

一直對屯醫有偏見，因為一路都有好多不利消息傳出，但經過今次留院完全改觀，上至高級醫生下至姐姐每位都有禮有耐性，又會氹小朋友。治療step絕對冇hea做👍🏼👍🏼👍🏼。

而且政府醫院收費真係好平，咁樣兩日一夜只需$60，仲包6日抗生素，普通私家門診咁樣已經要$300+。不過急症$180都幾費同埋真係等得太耐😪

兩位小主們，麻煩你們要健健康康呀🎏

龍寶寶公主

話說呢⋯⋯我就唔好迪士尼卡通人物，想當年仲話過唔會買公主裙比自己嘅囡囡添🤣

跟大家快load呢兩年龍寶寶之迪士尼生活😬😬😬

第一次入園

第二次入園，已靜俏俏換上印有Elsa / Anna的公主裙了😬

變身～～～

老翻藍色Elsa look❄️

Elsa 夏季look

有時都會便服公主look嘅😌

有Elsa當然會有Anna 啦

Cinderella ~~~

正品Elsa let it go~~~

終於等到凍，襯番件冰雪褸先， hohoho

Aurora😬😬😬

Bell。

這是最後一套我買比她的公主裙 --- 人魚公主。由於我都覺得條裙太靚，忍唔住配多個👑比佢。

終於等到天氣熱了，可以穿上，在迪士尼裡，看到很多小朋友望實她，回頭率實在太高，🌞下照出裙子閃閃發光，靚到不得了😍😍😍

❄️🌨☃️北海道準備（3）

搵雪褸同時亦要搵雪靴⋯⋯一開先都係從淘寶入手，都搵到好多款，Aigle都搵到款似「原單貨尾」

呢兩類型最常出現的款式。大至上評價都話幾好、唔錯、防水ok、保暖好、舒適之類⋯⋯

其實已經睇中呢款，放咗喺購物車內打算等佢再跌價或者一路等到出發前一兩個月先買唔洗阻我地方嘛😜。

不過我最concern係對鞋著得舒唔舒服，一對頂指/夾腳鞋真係冇可能忍。著得舒唔舒服真係好個人，同埋呢我覺得內地人對於「舒服」嘅要求應該呢⋯⋯（你懂的😝）。

又再上網找資料睇下其他人多數買咩雪靴，原來都好多人著UGG 、 SOREL、Timberland等等⋯

Timberland有去過專門店睇過，款式我就唔鍾意喇，所以我就唔作考慮了，不過它確實係幾好的戶外運動鞋👍🏼

呢一款UGG鞋需則入面有毛毛加強保暖，但它面料是完全不防水的，所以絕對不可能在面路上行走，雪在鞋面上一溶化鞋就濕，諗起都覺凍呀！😖

繼而就再睇啲專業款SOREL, 都係好多blogger推介。都有幾多款做特價，平平地$5xx就有。不過睇番買家嘅評語真係好參次，有啲話尺寸較大、不防水、鞋好重，呢啲評價真係令人卻步⋯⋯

亦都有blogger介紹columbia，對比起褸款，它的鞋時尚好多啊！

美國官網有多款雪靴做特價（反而香港官網只得一兩款仲貴好多添）。而買家評語都是好評多，如尺寸準、保暖、防水ok。特價的columbia雪靴絕對值得考慮🤗

原本睇中了呢一對，長筒的所以貴一點，但不過看到以下近似款、近似物料的blog就放棄了⋯⋯（呢款香港官網近似款清貨特價都要$10xx啊😒）

Blogger的靴穿了一個洞，如果是我的話真的會好沮喪😪。

最後㨂了另一個物料，中筒平少少$54.9，款式平實顏色易襯，價錢越實惠就最好喇。

同時亦買了同品牌的手襪。實物待分享😊

**小插曲，原先未知件Parka會被取消、所以打算連columbia雪靴都自己買集運回來，誰知由半夜一路按ipad到二點半凌晨，睡眠不足下傻更更按了兩次「結脹」，隨即收到兩次SMS信用卡付款通知，OMG。打去信用卡中心亦證實是有兩次交易紀錄而且不能由信用卡取消order🤦🏼♀️🤦🏼♀️🤦🏼♀️。即時醒晒嚇死面都青，在columbia page發出求救電郵而且馬上收到auto email 回覆說會48-72小時內回覆，咪玩啦，48小時後乜貨都出晒啦！我實在太驚恐了，只諗到打長途過去，🐥同🦆講一輪後，確認我的order已經被取消，同樣原因-信用卡唔過，真是謝天謝地了😅

❄️🌨⛄️北海道準備（2）

收貨囉😍😍😍

開箱就最開心喇🎁

試上身先，咪講笑！

毛毛邊可翻下來，用嚟狂風暴雪時擋風雪用的👍🏼（毛毛邊可拆除的）

好，反番上嚟先，靚晒（鳴謝龍寶寶揸機📸）

S Size剛剛好，好開心💃🏽💃🏽💃🏽💃🏽💃🏽

大大個牌子label

腰內的調節索繩扣

褸內有個大大的袋，我平放了一張A4紙在內！

650羽絨

褸內另一邊有兩個網袋，有拉鍊的另一個有個啪鈕，設計好好👍🏼（自我陶醉）

帽後有調節扣，可按個人需要調節

外面有4個袋，上面兩個係放手取暖的。下面兩個是袋東西的，放手襪就最方便👍🏼👍🏼👍🏼

前袋內裡的布料是類似好薄的絨毛料，可加強保暖。和Canada Goose一樣，都係好細心的設計👍🏼

左邊手臂上有大大個logo，你懂的😆😆😆

❄️🌨☃️北海道準備（1）

咁呢⋯⋯話說呢⋯⋯去東京玩雪時跟龍寶寶提到去北海道嘅雪仲靚仲多，溫泉水仲正仲熱，應承咗話同埋爸爸一齊去！

（當然自己都好想去啦，一般旅行後遺症係好想再去下一次😝）

回港後，就好努力上網尋找外套、雪靴等裝備！

因為我只有呢一件North Face羽絨，其實呢件North Face係好暖嘅，喺東京呢幾日天晴、冇風冇雪絕對足夠應付2-10度嘅天氣。

相反，同一件羽絨，上次2月到大阪去到海邊勁大風，真係覺得凍架！

所以這種絹面料不防風不擋水就不太適合北海道了⋯⋯我地暫定1、2月去北海道，溫度約2-（-10）度！好期待漫天飛雪啊🌨❄️🌨❄️

最初喺淘寶搵咗好耐，想搵一啲「原單貨尾」的羽絨滑雪褸。有係有，有的就好舊款個花/色好老套，一係就好貴。

好似呢種要人仔六百幾以上都有好多，話係🇯🇵🇰🇷代購喎⋯⋯但呢個價就唔想、唔會喺淘寶買啦，太唔值同高風險了！

一係呢就呢種海量的MIC🇨🇳款式⋯⋯都要差不多人仔三百架！

搵咗一排⋯就覺得不如搵番啲大牌子啦～

好自然就會諗起columbia，不過個款我就真係唔鍾意喇，實在太運動型、而且面料嘅磨擦聲「嚓嚓」聲就最唔鍾意，好嘈🤣。

款式上我就真係唔鍾意，價錢都好貴，一件薄嘅Gore Tex香港店睇到都要$2xxx架，如果要羽絨內膽就更貴。

續而就有Aigle啦，都係香港常見嘅戶外運動服牌子⋯但香港店的價錢實在太嚇人！

Aigle大部份三合一的Parka褸都要$5、6xxx啊🤑🤑🤑。不過款式就比Columbia好好多修身啲、靚啲！

呢個牌子係加拿大國寶級羽絨大褸，網上blogger提到加拿大人，人人都會有件Canada Goose。

亦都有好多次好衝動想買呢件Canada Goose - Kensington Parka。

而我睇中呢款Kensington係呢個品牌Level 3 保暖度，聲程可以喺-10-（-20）度穿著。但價錢亦都好突出，問咗幾個代購最平的都要$6800啊！

香香著到咁，真係好吸引！

細心睇過呢件品牌嘅Parka, 真係貴得有道理，好細心架！毛毛帽圍邊好靚，可以防風，帽頂後面有調節扣，手袖位亦有彈性布料防風，腰內亦有調節繩索，褸袋內裡的布料是有絨毛的，不帶手套亦可保暖。面料就不用講喇，絕對是防風防水的！😍😍😍

其實Canada Goose都有平少少的Parka不過是短褸款的，坦白講去到咁凍嘅地方我首選都是中褸包埋patpat會暖好多！

冷靜過後，北海道都未到-20度，如果著呢件褸實在太浪費。而且會去芬蘭睇北極光之類的旅程應該唔會係呢三五七年內發生⋯⋯亦都比老公狂串我買件咁貴嘅褸，得唔到支持真係唔敢買啦。

Canada Goose太高level, 唯有再搵其他牌子啦。

不過我睇完Canada Goose後目標好清晰啦！心目中要中褸款的，盡可能修身款，唔要bulky，帽邊要有靚靚毛毛的😍

有blogger介紹呢個美國百年品牌 - Woolrich。

即時上官網睇睇，價錢都唔平架，好多Parka都過$7000。

一路都知這種禦寒衣物係好貴，絕對係未見官先打八十大板⋯😢

只好直接跳去「Sale」內垂死掙扎，見到上圖呢款Parka價錢好親民，帽有毛毛個喎，羽絨，唔錯吖。但點解model著到腫晒真係真係⋯⋯唔想入手！雖然HKD2000真係好吸引！

喺清貨區仲有呢款Parka, 特價咗$3000。中褸、帽邊有真毛毛、帽後仲有調節扣，褸內腰位亦有調節繩，可修腰的⋯面料防風防水！而model都著得好slim，感覺唔錯！值得考慮考慮！

前後尋找雪褸都有差不多三星期，基於本錢及用得上的機會，真係不能買太貴啊！

1516之時，收到Woolrich email （註冊咗為會員）可有extra 20% off, 即是話樓上件褸折後HKD2400喎。價錢和款式都可以話符合要求，決定把心一橫買就買啦！一click就話唔寄香港，咁你又何苦比我選國家呢？！左諗右諗，自己買再集運番嚟啦，比好晒錢開開心心等收貨，點知過了一日就收到email話我個order已取消？天呀！咩事呢？唔甘心回覆問下，Woolrich好快覆番我話我張信用卡唔係當地發卡銀行發出的所以未能成交😪。繼而我再問香港客是否不能購買，Woolrich 話是可以的，只要㨂番你的家區就可以，細問之下原來只係我㨂呢件褸係唔寄嚟香港（我試過寄馬來西亞都唔得），試咗另外幾款褸都可以寄嚟香港架，就係呢件偏偏唔寄😢😢😢。

死心不惜，最後找了代購買，仲平 - HKD2200買單。點解唔係$2400？因為美金標價是$299.99，然後有20% off折咗$239.99。仲抵過自己買💃🏽💃🏽💃🏽，心情即時爽丫丫😁😆😃