網購樂天早排有MBMJ褔袋, 超級勁抵呀, 7350YEN就有一個大size嘅MBMJ袋! 本身都想買架, 但香港賣HK$18XX, 就唔想買LU~~
而家褔袋咁抵, 只係HK$740左右就有一個, 所以我懶豪咁買咗兩個, 都係HK$1470 + HK$359運費, 即平均一個只係HK$914.5咋, 你話係咪堅抵先???!!!
~~揀咗個灰底螢光心心同全黑色~~
話明係褔袋, 又點會只係得個袋吖~~當中仲包捨3件衫 + 1件小飾物。個袋已經係香港嘅半價仲有衫送, 唔買都傻啦!!!!雖然D衫係冇得你揀, 但咁嘅價錢仲想點??
飾物係用來掛手袋嘅勾!
雖然D衫未係太滿意, 但有條裙同legging我就好喜歡喇, good ar!!!!
如果大家都認為食乳鴿/雞粥要入沙田的話, 請大家要選一間你值得去值得試!!!!
自細在沙田長大, 乳鴿我食得多! 沙田最有特色都算龍華酒店 (可能只限遠觀)! 地點在沙田新城市附近, 在半山腰中, 裝修仍保留十多年前的樣貌, 但質素就........"不進則退"是對的! 大家還想去嗎??!!
一行8人到龍華食飯, 替媽媽慶祝生日....氣氛融洽但食物質素就不知所謂!!!
套餐有3款不同味的乳鴿, 下面的是紅燒, 再難食都沒問題吧! 上面兩款是滷水及....忘記了, 不過不吃不試也罷!
左邊那個豆豆炒蝦, 蝦不爽, 怪怪的。
右上角那個"翅", 同食麵粉糊沒分別。
下邊的還可!
上邊的鮑片炒西蘭花, 那些鮑片, 有牙没牙都咬不難, 勁!
右邊的菜, 還可!
下邊的雞粥, 嚇壞了我, 吃不出雞的香味, 粥的稠郤是由麵粉扮出來的, 越食越想嘔
左上角的豆腐, 什麼都吃的爸爸郤說豆腐帶點兒酸的.....OMG!
右上角的炒麵, 凍的....
下面的金沙骨, 肉質帶霉加強勁雪味...吃不完塊就要掉...
以上的, 是一個千多元的8-10人套餐。12樣餸只有3樣是OK, 馳名的雞粥及乳鴿還不如一般家庭主婦都會煮得比他好味, 如果你還要去嘗試, 你去吧!
2010年7月4日
Last day 喇!
真係好唔拾得, 可以重頭再玩過就好喇....
食完早餐, 去大通公園影個相留念~
跟住就去咗shopping, 我乜都買唔到! 淨係買咗個我唔太like嘅cheese cake做手信! 但媽媽弟婦話好好味呀, 咁都開心番~~~
跟住就去食lunch, 呢d菜 / 雞 / 豬, 係團包嘅, 我地當然唔止呢d啦~~~
有A4和牛 --- 11000YEN (下次我要親自去神戶食和牛)
松阪牛 --- 9000YEN (呢隻牛有證書添架!)
牡丹蝦 --- 5600YEN (每人3隻)
真係要影張相留念呀, 都唔知下次幾時可以再食呀!
都係刺身最好味, 我地試過攞嚟煎, 差DD囉~! (我真係食得好開心呀!!!!)
Order咗d海鮮返去比屋企人試, 我幾乖!
去到機場最後一擊!
~~回家了, 日本, 我會再回來的啊!!!
~~
今次係我第三次跟康泰去旅行, 我覺得佢地真係唔錯。價錢同團種都比其他平同多, 亦都比較落本錢! 安排酒店同饍食都唔錯! 好鍾意第一晚傳流溫泉酒店, 好開心住咗兩晚KORORO度假村, 食咗兩餐好嘢! 導遊領隊都好細心好用心, GOOD 呀!
下次再去日本, 我好想自由行去大阪, 探下我嘅舊朋友! 仲要去京都影靚相, 我會嚟架!!!
相關網誌:
我上網search過做法, 最後揀咗一個比較簡單同方法嘅做法!
去咗惠康買咗一隻雪藏春雞 --- $4X。我見有d BLOG友係惠康度買到法國架, 但元朗就得美國同泰國嘅....
跟住準確一個薯仔同洋蔥, 放係底, 一齊焗嘅! 呢兩樣嘢都唔洗調味, 佢地嘅水份可以令到隻雞唔會乾, 而雞汁又可以餵番佢地! 啱啱好!!!!
溶好雪後, 索乾水份就可以調味:-
雞粉 / 頭抽 / 少許糖 / 邵酒 / 黑椒 / 蒜頭 / 蒜鹽 / 辣椒粉....按摩一下, 醃佢耐D, 要比醃雞翼再耐D, 至少要1小時以上!
跟住最後再加油, 麻油再醃多一會兒!
焗爐220度加熱, 再轉200度焗, 兩邊各焗15mins便可!!!
~~禮成~~
經過不正常的cycle 2, 唔知係咪自己太緊張定真係自己有問題, 荷爾蒙出事所以紅D十幾廿日都有淺線....連帶今次M都唔正常....
事原, 7月10日係我嘅DAY1, 去廁所發現有血絲跡象! OK~~咁即係我快嚟M啦, 但係...
7月11日仍然有血絲
7月12日仲係血絲........(按平時, 應該嚟到澎澎聲)
7月13/14日, only血絲, 完全係唔需要用M巾嘅情況, WHY??? 我真係癲喇! 日日都係血絲血絲血絲.....
(check紅D又冇線, 綠D又冇線, 體溫又冇升.....)。對於一個想生BB嘅人, 發生呢啲事真係好大打擊, 好多假設疑惑同時出現! 
7月15日, 我忍唔住去睇西醫, 醫生check過我下面認為係M come, 亦睇過我cycle 2嘅體溫亦都驗咗冇BB, 醫生覺得我呢個cycle係亂咗, 可能太緊張吧!
當晚, 我去咗睇中醫, 開咗2劑中藥谷它來....中醫話我應該這兩天會來, 期待!
7月16日仲係得血絲, 不過血絲已經比之前少了一點! 去咗做massage, 要求再按按肚, 希望有幫助!
7月17日已經冇咗血絲, 仲多咗分泌添!
7月18日, 今日好多分泌, 放工再去睇中醫, 再開多2劑藥...苦!
7月19日, 早上小便, 好多分泌, 亦都有排卵時有拉絲嘅效果, 疑惑之下check下排卵。咦咦咦....有線嘅
?? 仲唔係淺個喎...
同日10:00p.m., 再check, 好快有色喇! 比朝早仲深色, 決定用哈哈笑check!!!!!
You see! 有哈哈笑喎, 佢一路閃等結果時, 我好驚呀!!!! 咁快又排卵?? 我仲等緊M嚟個喎....莫非嗰D血絲就我今期嘅M??!!! 如果咁講, 7月19日會係我嘅DAY 10, 真係難以置信呀!!! 咁我今期嘅cycle咪好短囉?!!!??
先經過谷底7日, 嚟到DAY 10話我24~48小時後排卵, 將我拉上天堂, 真係快到冇朋友呀! 決定即日開工, 唔好錯過機會嘛, 係咪?!
將哈哈笑試捧退出來, 發現我嘅檢驗線都係比對照線淺, 但都出現咗哈哈笑, 咁即係我嘅結果9成都唔會同色or深色過條對照線啦!
