5月媽媽會聚會! (2)

2012年7月18日 (三)

對上一次嘅媽媽會聚會係3月, 當時懷胎七個多月, 轉眼間, 所有5月媽媽都已經生產了, 寶寶都有兩三個月了!

今次只有元朗, 天水圍, 屯門嘅媽媽同BB出席, 因為大家都多了個寶寶, 出太遠街唔方便, 所以媽媽會好多時都會攪番同區gathering~(而家plan緊11月攪個半歲party)

第一次同龍寶寶去飲茶, 早上如常咁餵奶泵奶, 跟住換件靚衫2:00p.m.就出門lu~~~

龍寶寶去親街都瞓覺, 冇符~

我地分咗兩圍枱, 9成媽媽都有帶BB車, 好迫呀!

嚟個大合照先~

今次吹水吹得好開心呀!!!!希望快啲又吹過~

相關網誌:

5月媽媽會聚會!

你有冇好好坐月?!

你有冇好好坐月?! 我諗我坐月應該唔合格喇~

人地話唔可以掂生水, 生完第一日已經掂咗啦, 醫院都好好架喇, 有熱水供應!

出院後又洗下奶樽, 換完屎片唔洗洗咩?!

不過我都好勤力飲代茶嘅~

媽媽又整五更飯比我啦, 仲有炒薑飯, 魚湯等!

惡露清減啲就開始食啲補嘢, 薑醋, 蟲草, 花膠, 海參等, 仲食下車厘子補血~~

托弟婦係馬拉買咗啲專比坐月沖涼用嘅藥包煲水沖涼, 我呢個坐月, 平衡三日沖一次涼, 足足個半月都係咁, 其實唔日日沖涼都幾好架, 因為真係好鬼眼瞓, 用沖涼洗頭嘅時間瞓下覺好過啦!

增奶?!

5月媽媽會入面都有幾多人餵人奶。

當然, 有啲一上奶就係富媽, 有啲點泵都係窮媽, 咁都有啲因為懶先唔多奶啦。

我都算勤力定時定候泵奶, 都只係剛剛夠食, 好想儲啲冰奶, 怕返工後唔夠奶嘛...所以當媽媽會一有人介紹飲乜可以增奶, 唔麻煩嘅我都會試!!!

有呢款黑麥汁, 恵康$14枝, 我連續飲咗廿枝, 唔覺有多奶喎....不過當汽水飲下都好嘅, 坐月冇咁悶嘛!

米水, 百佳$20.9, 都係唔多覺, 只係話, 食飯會多啲奶, 但又冇可能日食十碗八碗食架嘛, 咁飲下呢啲睇下有冇幫助囉~~飲咗覺得, 多咗少少掛, 但唔明顯囉!

Motherlove嘅more milk plus, $3xx, 媽媽會啲人講到鬼咁勁, 又話一食即谷, 又話多一倍奶, 又話就算冇多到都好, 奶嘅質素都改善咗。但我食咗幾日冇料到, 再食咗雙倍份量都係冇料到...失望!

仲有媽媽煲嘅魚湯, 通草, 反而我覺得通草真係有啲料到喎, 至於魚湯, 就算冇幫助都好, 都可以比營養bb嘛, 我會繼續飲囉!

其實都係嘅, 如果真係咁堅, 個個都餵人奶啦!

Anyway, 以上只係我個人意見及用後感, 不可盡信~

回家了~

2012年7月15日 (日)

當初決定回娘家坐月, 一坐就坐了個半月...終於要離開媽媽嘅懷抱, 去學習當一個媽媽了...

龍寶寶好多嘢呀....執都執了幾日~

淨係浴巾都幾條~

又一大袋衫仔~

最後執了兩大袋紅白藍膠袋, 一架BB車, 兩張床仔, 兩張床褥, 一個浴盆, 一袋奶樽/烚奶器, 一袋冰奶, 一個背包, 一套床圍...., 仲有好多冬天衫都冇攞架喇...否則我都唔知有幾多袋紅白藍...

call咗架van仔載貨, 私家車就載龍寶寶同奶, 衛生啲嘛~

冇媽媽係身邊, 自己真正去面對如何做媽媽嘅第一個晚上~



第二天, 老公返工喇! 我自己一個人湊龍寶寶, 一切都好順利!

仲有時間執屋, 洗奶樽添~~~

真係要讚下自自己, wakakak!!!

產後檢查

2012年7月11日 (三)

第一次同龍寶寶去健康院做檢查時已經約咗今日做產後檢查。好似大肚時咁, 驗尿, 磅重量血壓。跟住等見姑娘再等見醫生。被叫名到counter, 比咗$1, 做咩呢?!

淨係等見姑娘都差不多一小時了, 問下啲無聊嘢做record!

姑娘比口左啲dumdum我, 先醒起頭先比嗰$1係買呢啲, hoho~~~

出返去又等見醫生, 好彩好快就到我, 上床check下傷口好番未, 子宮係咪收晒, 又按下個胸, 攪掂閃人, 都真係超無謂架, haha!

換腳套~

2012年7月9日 (一)

今日約咗返威院"職業治療部"換套新嘅支架~

等待中....

準時9:00a.m.開始, 我地第一個booking, 唔洗等完再等, very good!

我一心以為會比兩套全新嘅支架我, 點知, 原來只有腳套先係新, 上半身係用番舊嗰套再度身改少少...我冇帶另一套, 只有著住喺身嗰套...姑娘話冇所謂喎, 用死一套上身, 之但係, 上半身先最容易因為回奶嘔奶整污糟嘛, 冇得洗又hi住塊面, 唔多衛生喎....

最後我決定飛的返屋企, 點知回程冇晒的士, 頂!!! 最後搭小巴出大圍再轉火車轉馬鐵....再奔跑, 返到去已經9:50a.m., 死啦, 姑娘話佢十點係next booking喎...不過好好彩, 第一套嘅fitting啱啱完, 可以接住度埋第二套, 不枉我跑來跑去呀!!!

今次呢套新腳套大腳好多, 舊嗰套太細, 吊到龍寶寶對腳好高, 又因為咁, 大肶位都逼到有少少脫皮喇....而家就唔怕lu~~~

好在我回家攞埋另一套咋, 因為即日已經比龍寶寶整污糟咗喇, 你話係咪點都駁一駁先!



事後姨媽同我講番, 因為車房冇時間車嘢, 姑娘同龍寶寶做按摩/檢查, 話佢隻好輕微, 用手檢查的話真係唔覺, 加上醫生回比佢嘅feedback都話係好輕微, 希望可以唔洗著足三個月, 而且早前都有case只係著咗兩個半月啫, 只要可以早多一日唔洗我都想!

嚟緊8月1日會照超聲波同去骨科覆診, 真係好想有好消息呀!!!

相關網誌:

髋關節

腳腳覆診

腳腳覆診

2012年6月27日 (三)

今日返威院同龍寶寶覆診, 見骨科醫生。

食飽奶奶瞓住等~~

今次等咗個半鐘左右, 醫生check下我地帶嘅支架啱唔啱, 都冇乜嘢睇就約時間, 約咗8月1日再做超聲波同覆診!

有問過醫生, 係咪真係要著足三個月....答案係: "多數都要..."。灰~

我地再問下醫生, 件衫會否cool得太緊, 醫生都唔係sure, 叫我地去問番"職業治療部"嘅姑娘會清楚啲。趁未收工, 嗱嗱聲衝落去, 咁啱有人好開心咁同姑娘講, 醫生話可以唔洗著喎, 佢地著咗兩個半月咋! 令我都多番啲希望!

相關網誌:


髋關節

 

滿月喇!

努力啲追番啲post 先!

2012年6月24日 (日)

本身我係諗住滿月兩家人食過飯, 100日就請晒啲親戚一齊再食嘅...但因為龍寶寶隻腳要帶支架著唔到靚衫, 阿婆婆就唔係咁想食喎...咁算囉!

咁啱撞正星期日, 一家三口首次外出去街!

去咗新城市行個圈, 買咗個枕頭仔同長頸鹿比龍寶寶

之後就回家食飯, 婆婆整咗紅雞蛋同雞, 我地就買咗個蛋糕比龍寶寶, 係盆菜嚟架, 好攪嘢!

好想快啲100日同龍寶寶扮靚靚呀!!!!!!!

我的龍寶寶 (2)

2012年7月18日 (三)

今日龍寶寶已經1個月25日喇, 就嚟兩個月大。而家同佢傾計有反應喇, 會笑笑, 扭人抱時, 一見到人就扮可憐, 隻手一攝人佢條頸就唔喊, 要人地行住抱, 唔比坐。不過有時都好乖嘅, 唔洗人暗就自己瞓, 唔算太怕嘈

1month5days

1month10days, 包包面~

1month13days

1month14days, 個樣好似冇乜點變~

1month16days, 齊陰頭!

1month20days

1month23days

相關網誌:

我的龍寶寶

有名囉!!!

 

2012年6月19日 (二)

終於決定咗喇!!!

龍寶寶叫 --- 芷潼, Zi Tung

攞咗三張, $140x3


未生前已經決定咗會搵師父改名, 透過金金子介紹$1500, ok 啦!

雖然話搵師父改, 但我都唔係完全唔理嘅, 我地都諗好幾個名比師父睇架。我就鍾意"童"音, 乜寫法都得, 不過師父回番嚟就話童同痛音相近, 唔太贊同。所以師父另外幫我改咗幾個名, 有楚藍, 倩冰, 清慰等等....比較鍾意得楚藍, 但62話, 第一個唔可以叫"南", 因為"東南西北...1234", 第一個只可以揀"東", 真係幾特別個喎...

呢個師父都有同潼潼算下命, 都幾好! 話讀到書, 讀唔到就係父母嘅責任 (咁幾時都係架啦)。同父母都好有緣, 都唔錯, 其實最緊要佢健健康康就乜都得架喇, 係咪?!

如是者, 老公自己上網搵改名嘅資料, 最後揀咗"芷潼", 評分同楚藍一樣高, 但分析"楚藍"個名, 話去到中年會有交通意外喎....咁恐怖?!

龍寶寶: "大家可以叫潼潼, 或者龍寶寶都得架!"

第三次健康院檢查

2012年6月25日 (一)

一個月大要到健康院打第二針乙型肝炎(呢針唔會發燒嘅), 我都決定放棄去私家打針, 雖然贏咗Kinetics嘅半會優惠, 但.....都係想慳番啲同亞姨認為冇呢個需要...

去到如常除晒所有衫同片去磅重, 一個月大嘅龍寶寶已經有4.33kg, 即9.53lbs, 比出世時重咗1.2kg, 非常好呀!!!!

跟住見姑娘, 做番啲紀錄就出去打針針。
 

等打針嘅傻豬樣~

媽媽我都有少少緊張加啲興奮 (變態)。 打完針後, 龍寶寶勁想狂喊, 但都未發出喊聲就已經變番正常!? 勁!

跟住見醫生, 醫生第一眼已經話仲未退黃, 寫紙叫我到威院抽血驗肝功能

翌日去咗驗, 結果正常! 放心晒。

兩個月大又要去打兩針, 呢兩針有機會發燒架....好緊張呀!!!!!

相關網誌:

第一次健康院檢查

第二次健康院檢查

Merries 尿片媽媽會禮物

喺babykingdom會見到有Merries嘅廣告, 入去就可以登記做會員。

周不時都聽到媽媽會內有人讚Merries片片好用, 不過唔知點解就唔夠Huggies同Pampers出名。

個幾星期前收到, 時間啱啱好, 
龍寶寶用Huggies NB已經有啲逼, 到時會試下呢款NB 同 Pampers NB邊款好用就轉嗰款。

So far, 用過
Huggies (8包) 同Pampers (2片), 兩款都ok,  雖然Huggies有試過漏屎, 但情況係真係好多屎....我覺得可以理解同接受! 

相關網誌:

第三次產檢 @ 16weeks6days

雀巢媽媽會禮物

迪士尼媽媽會禮物

雪印媽媽會禮物

美贊臣媽媽會禮物

惠氏媽媽會禮物

Pampers 媽媽會禮物

惠氏媽媽會禮物 2

Pampers 媽媽會禮物 2

雪印媽媽會禮物 (2)

雀巢媽媽會禮物 (2)

思詩樂媽媽會禮物

雅培媽媽會禮物

Pampers 媽媽會禮物 3

 卡洛塔妮媽媽會禮物

 

人奶路

未有BB前已經決定會餵人奶, 希望將最好嘅比自己嘅BB同埋慳番啲奶粉錢...

為咗呢條人奶路行得好啲, 仲買咗支按摩油, 喺懷孕後期按摩下, 希望會多啲奶奶....

呢個係喺醫院時用手搾出來嘅初乳...(點解會搾?! 因為龍寶寶隻腳有事, 送咗去初生嬰兒部), 為咗繼續刺激大腦造奶, 定時用手搾下咁囉!!! 奶量好少呢, 開始有啲擔心...

回家後, 為咗確保龍寶寶夠奶飲可以去黃泵出嚟餵....嘩....多到呢

兩星期左右,不停餵不停啜都係得呢個量, 媽媽又有煲魚湯比我, 
 奶量仍然超少..... 真係好倦唔想再餵...但媽媽唔比我放棄, 話點都餵到返工喎....

後來...成績開始好啲, 由初初幾十ml到而家有幾安, 雖然係兩邊加埋, 但都叫夠一餐咁囉....

而我泵奶嘅時間, 由初初兩小時一次, 慢慢改咗三小時, 四小時, 龍寶寶暫時食4安人奶頂3.5或4小時一次!

我發覺, 一小時可以儲到一安人奶, 如我隔四小時才泵奶會有四安, 五小時才泵奶有五安...

呢兩支奶, 係我第一次半夜冇泵冇比龍寶寶啜過, 隔了七小時後泵出來的, 好開心。不過打後幾日都泵唔番呢個成績, 激氣呀!!!

而家唔敢偷懶, 繼續四小時泵一次, 希望可以儲多啲奶做雪奶同後備, 加油呀!!!!



總結:

頭嗰兩三個星期真係好辛苦, 一來自己冇乜奶....二來BB好快又要啜, 餵完又換片已經冇咗個幾鍾, 都瞓得著已經又要餵下一餐....真係好辛苦。雖然之前聽講座知餵人奶初期有機會每一餵12次...但未試過真係唔知原來係咁辛苦架, 而家就好啲喇, 可以四五個小時才泵同餵奶, 叫做有少少時間休息同做下自己嘢囉。

大家想餵人奶嘅媽媽, 好似我呢啲咁遲才上奶嘅人 (仲要上咗都唔多奶), 心理壓力都幾大架, 但堅持下都叫有啲成績, 大家比心機呀!!!!!