唔買又買 --- High Chair

原先都有諗過買high chair, 但因為屋企細, 價錢又唔平, 又怕龍寶寶唔願坐, 晒錢又阻訂.....另一方面, 屋企房門窄, 張龍床唔可以推出推入, 只可以放喺房....咁樣, 龍寶寶可能要長時間喺房入面玩....我喺屋企煮飯時多少都有啲唔放心, 同埋我最想係, 餵佢食粥時困住佢等佢冇得走嘛~

咁啱金金子都比咗張二手嘅搖搖椅比我~~

美中不足係, 要放喺地上, 離地大槪一尺到....感覺上好似食塵咁, wakaka~~~~同埋局限咗係頭幾個月才有用, 再大啲想困住龍寶寶都唔得....真煩!




近排, 老公又問我, 洗唔洗買張high chair, 放喺廳用.......我一時都唔知點答佢好....因為我一路都諗住用上面嗰張椅仔頂住先。其實我地都有心水款嘅, 就係同龍寶寶架戰車同一牌仔 --- Peg Perego 嘅 Tatamia High Chair。

老公又唔鍾意combi同aprica, 佢話二三千都係made in china喎, 乜仲奄尖過我嘅?!

如是者, 老公日日都問下, 係咪上網買 high chair.....
 
之前2月上網買戰車時都有睇過下價錢, 同香港差不多價。都要成$3xxx, 加埋運費真係唔洗上網買, 同埋我當時覺得好貴呀....好啦, 而家又上網睇下啦!

個轆都唔錯架, 可以原地360度轉, 收納上嚟係偏/窄, 拍埋牆好似冇咁阻訂。而且佢另一個賣點係可以做埋搖搖椅, 又可以坐到幾歲, 好似好多功能咁....當然都要個細路肯坐啦! 我見老公好堅決好肯定咁要買呢款, 仲話喺一田睇過, 仲搖過添 (點解我唔知嘅?!)...

OK, 咁我都去番Amazon買:
http://www.amazon.com/Peg-Perego-Tatamia-High-Chair-Cacao/dp/B001RVEY5I/ref=sr_1_2?s=baby-products&ie=UTF8&qid=1337529405&sr=1-2

--- HK$2,823.56 (US$349.99)
--- HK$153.12 (8-16日空運)
TOTAL: HK$2976.68

講真, 上網買比香港平$2-300左右, 但而家肯定有貨囉~~~唔知幾時收貨呢, 希望張high chair可以喺星期三我開始放產假及龍寶寶未出世前送到啦, 因為上次訂戰車時, 只用了4日時間就收貨喇, 好緊張好心急呀~~~~~



其他用品:

$60 鬆弛熊風扇

買咗個小型風扇比龍寶寶夾喺戰車用, 等佢冇咁焗!

$17 小林退熱貼

買咗盒退熱貼, 以防打針後發熱唔舒服, 貼咗就舒服啲, 用嚟看門口嘅~~

$60 鬆弛熊水泡

喺我諗住用嚟入院嘅, 怕剪咗下面坐時唔舒服, 買咗冇蝕, 冇用就留番比龍寶寶啦~

相關網誌:

龍寶寶嘅戰車

快到冇朋友呀!