護乳露

之前聽朋友講, 話懷孕後期開始按摩乳房之後會多啲人奶。由於我都想餵母乳, 所以我而家都有按摩一下, 希望真係可以做個富媽媽!
 

加上喺餵母乳前都需要按摩下個乳房, 先再餵人奶嘅, 大家可以參考上圖按摩方法。記得要用少少力呀, 唔用力冇用架~~

其實我有試過mustela, 係cream嚟嘅, 都ok! 但有啲媽媽就話佢較大香味, 同埋唔係有機產品...

最後是但揀咗一款, 有機護乳露 (德國造), $279 - 180ml。

其實市面上真係有好多有機產品, 咁隻隻都話自己好架啦, 我都唔想諗咁多....反正主力都係按落我度~~

呢款係按摩油, 比cream 更容易推開, cream就比較快乾, 可能要用多少少去按摩, 油就可以last得耐啲, 可以推耐啲都冇問題。我個人覺得cream同油都ok, 如果怕油嘅朋友就可能唔like~~~

用咗幾次, 感覺都ok, 唔會話成手油! 雖然佢話對BB無害, 但我都會按完抺番乾淨先再餵龍寶寶, 盡量減少不必要嘅添加品嘛。