約咗慒朱朱10:30a.m. 係兆康西鐵站等, 慒朱朱老公好好呀, 揸車裝我地去將軍澳
!對上一次blog 友 gathering已經係3月, 當時金金子已經好近預產期, 我地一齊聽講座~~~
今次再見面, 已經多咗一位lady喇 --- 就係小妤!!!
小妤好叻, 唔怕嘈, 我地三個女人+佢爸爸, 4個大人不停講不停講咗個幾鐘, 小妤都瞓得定定
! 喺facebook, 每日都見金金子post一張小妤嘅相, 覺得好sweet仲攪到我好心急呢, 我想快啲見到龍寶寶呀~~~~
我同慒朱朱嘅預產期好接近, 到時我地應該唔會互探了~~~
希望我同慒朱朱生產順利, 龍寶寶同妹妹豬都健健康康!!!!
我地仲約咗遲啲一齊去迪迪尼添呀!!!!!! 當然, 仲有你啦, 祖娜
!!!!!!!!個人出開嚟, 又唔想就咁回家, 約咗老公去沙田行街。真好, 將軍澳有巴士直逹新城市
!!!去到都已經3點lu, 同老公係咁行係咁行, 中間去咗麥記抖抖又再行, 行到7點, 我對腳真係唔得了.....個肚同條腰都冇問題, 但對腳, 真係已經同我脫離咗!!!!
好辛苦咁捱到去禾輋熟食檔食晚飯....
質素都唔錯, 4樣嘢都係$230, 算係咁呢~~~~
原本都好開心架, 點知後面嗰枱條友係度食煙, 正一屎忽鬼。我唔係話我大住個肚大晒, 而係, 呢度係食飯地方, 人又多, 雖則唔係室內, 但都唔該有番啲公德心, 食少陣啦!!!! 好在我地已經食完, 即刻走人!
!!!相關網誌:
與blog友仔見面
第二次與blog友仔見面
[Blogger only] cordlife 講座
太好了! 祖都趕得到join團!!!!
回覆刪除[金金子回覆05/09/2012 18:00:59]努力呀~ ting~
[Gela回覆05/08/2012 10:06:45]TING....你都好快報名JOIN團....ar....
[版主回覆05/04/2012 14:27:51]We will waiting u also~~~~~~
望見張相真係好sweet ~ 大家都要順順利利，健健康康！坐完月，大家一齊high tea
回覆刪除[金金子回覆05/09/2012 18:01:31]yeah~ 到時大家既千金都出咗世, 又要影張咁樣樣企喺度.. wahaha
[版主回覆05/07/2012 15:29:08]High tea!!!!high tea!!!!!
阿金都收身收得好快wor....
回覆刪除[版主回覆05/10/2012 14:50:07]生完慢慢減啦，而家以bb為先~
[Gela回覆05/10/2012 14:41:10]好羨慕你們噤fit......我肥腫難分.....了....
[版主回覆05/10/2012 10:31:47]你唔洗減啦，你去旅行又會肥咗返嚟，去完一次過減！
[金金子回覆05/09/2012 18:01:52]假像, 我比未生前仲係肥咗10磅呀, 有排減~
[版主回覆05/08/2012 10:36:41]我都要努力修身！
一日一張相都好鬼辛苦.. 又要整呢整路.. 不過, 頭一個月好重要.. 我自己都好回味~ 而家小妤冇咁乖啦, 之前仲係一舊蕃薯先唔怕嘈, 而家大個女, 一有聲就好醒瞓lu~ 好期待好期待你哋既小寶貝快d出世呀~ 你地唔可以互探, 就等我到時帶埋小妤去幫你地傳遞訊息啦~ wahaha
回覆刪除[版主回覆05/10/2012 10:30:34]係呀！越大越精，要用多好多精神照顧，又要教，好大耐力！加油呀~~