產假第一天 @ 39weeks

2012年5月23日 (三)

產假嘅第一天, 比我預期中早起, 一嚟未習慣, 有少少掛住公司啲嘢 (討厭!), 二嚟急尿醒咗....

起身後漫無目的, 敷下mask, 食個早餐上下網, 11:30a.m. 落街行下做運動, 一行就兩小時, very good! 其實喺元朗真係冇乜嘢行, 最大型嘅商場只係千色但超細冇乜嘢行....加上而家佢又冇做特價, 人地永安, SOGO, 一田都做緊啦...我都唔願亦都冇乜嘢好買....但都樣樣模下睇下浪費下啲時間嘛!

1:40p.m.回家煮個麵, 又上下網, 執下屋, 好快就4:00p.m.。其實返工都有返工好.....但心情又唔係好想返, 而家喺屋企又好似好無聊! 唔怪之得爸爸初頭退休咁難適應啦~~