當媽媽前....最後的一個生日!

2012年4月10日 (星期二)

上午我要考試....考咩試?! 就係我嘅8級鋼琴試囉...唉~~冇計, 因為我上年唔pass呀!!!!!!今次喺我最後一次了, 因為龍寶寶出世後我個心同所有時間一定比晒佢, 唔可以再抽咁多時間去練琴。

希望今次有奇蹟啦! 因為今次嘅表現......, 不過不失?! 平平無奇?!....經過上次嘅失敗, 我唔敢再有咩希望, 等奇蹟吧!!!

不過一定要讚我個龍寶寶, 之前練琴時, 龍寶寶都會郁, 時大時細力! 我同龍寶寶講, 媽媽考試彈緊時乖乖唔好郁.....果然, 我彈緊時, 龍寶寶真係冇郁, 直到我離開張椅就郁喇, 真係好神奇呀!!!
**仲好記得上次考試嘅心情, 真係好大壓力, 超緊張! 考試前一日嘅心情好忐忑, 考試當天完全食唔落早餐, 呢啲感覺, 一生人一次已經好足夠!**

生日考試, 希望會帶嚟好運啦!!!! 一考完, 個心鬆晒~~~~不過都要返工!

早喺幾日前, 已經同老公出街食咗餐生日飯!

喺元朗一個餐廳 "mix & match", 我幾鍾意嘅一間! 今次食物都唔錯, 我都好滿意, 不過唔知點解等咗好耐先有得食, 有啲唔耐煩....

正日當天, 已經要返工了! 所以冇特別食飯慶祝, 只係買咗個蛋糕食下就算~~~

喺聖安娜訂咗個芝麻街蛋糕, 都幾靚!

雖然龍寶寶未出世, 不過我攞咗張4D相出嚟一齊影下, 仲有我個小寶!!! 咁就好齊人嘅全家褔喇~~~~

許埋個願就完成咗我嘅生日慶祝了! 十分之簡單啊~~~~~