身體變化 (5).....

原來對上一次寫有關 "身體變化" 已經係2月頭嘅事, 即係話, 我呢兩個多月嚟身體上都幾舒服, 冇乜嘢令我覺得有變化, 感恩!

去到懷孕後期....身心多少都有啲改變!

心理上, 多咗啲忐忑, 亦都有啲緊張。因為好多5月媽媽已經生產了, 亦有好多媽媽post相講有關清胎毒嘅食物! 我原本都冇乜戒口, 而家仲開心添, 西瓜, 西米露, 雪糕都吃冇停口, hehe~~~你都未話唔緊張!

龍寶寶喺33週開始胎動大力咗, 真係大個女喇! 有時都會頂到我唔舒服, 要坐番直個身! 幸好, 都未踢到痛~~我會好好掛住龍寶寶喺我身體入面嘅感覺!

生理上.........34週多咗透唔到氣嘅感覺! 有時會雙腳發軟! 每晚要去一次夜尿! 近排抽咗兩次根.......但暫時未有假宮縮, 水腫情況尚可, 行動敏捷, 食得瞓得。我知好多媽媽有失眠嘅煩惱, 手指腫脹, 屈曲時仲痛添, 又有啲胃酸倒流, 食唔落嘢或者嘔, 仲有啲準媽媽爆肚紋, tonchwood我仲未爆, 加油呀!!!!唔好爆呀~~~~~~~

好感恩, 到目前為止我同龍寶寶相處得好融洽, 希望餘下呢個半月龍寶寶都繼續鍚住媽媽啦, i love u!

相關網誌:

身體變化.....

身體變化 (2).....

身體變化 (3).....

身體變化 (4).....