清胎毒

踏入33週, 我就開始清胎毒。其實清胎毒嘅意思我估....係想令BB同孕婦體內嘅毒素/熱氣清除。因為懷孕初期好多涼嘅食物都唔敢食, 到咗懷孕後期陀定咗又接近臨盆可以食番啲涼嘢掛.....。

見好多5月媽媽都有煲白蓮鬆, 但我就唔太想食呢啲帶有中藥嘅嘢。加上之前學人買咗桑寄生, 但只煲過一次.....為免浪費都係煲下糖水同西瓜等等就算喇～～

天氣熱熱....加上孕婦體温又高啲, 真係怕熱啲。雪糕呢家嘢可以話係救星! 仲有棷青啦, 真係好爽呀!

好耐都冇食過西米露喇, 去咗松記糖水買, 不過真係超級甜囉, no good!!!!!

出街買嘅糖水真係好甜, 對孕婦no good!! 第二日買齊材料自己整, 唔錯唔錯!!!!

仲有自己煲腐竹雞蛋糖水, 經濟又實恵。

原來自己煲糖水都幾煩, 唔怪之得屋企樓下糖水舖開完一間又間啦。