~有咗BB後, 好多嘢都唔飲得, 可樂同咖啡因為有咖啡因, 不可多飲...弟婦話連檸檬茶都要少飲....而家叫做多咗一個選擇! 其實去健康院做檢查時, 都有播碟話, 咖啡奶茶其實都可以飲, 不過每日唔可多過兩杯~~我都盡力戒下囉, 有時偷飲老公杯奶茶飲兩三啖, 過下口癮
暫時只有恵康有得賣 --- $38.9。你睇下, D優點講到鬼咁好~
我會溝少少水, 咁樣冇咁稠, 易入口D~~味道都OK, 比想像中冇咁甜, 唔錯!
另外, 新配方加咗維他命A,C,E同加強抵抗力。我買咗一支比太奶奶, 希望佢飲咗身體健康D之外, 西梅汁都有咗排便, 平時老公都有買西梅乾比佢食~~
每日唔多過2杯應該唔難丫~莫非你係上左癮日飲幾杯果d?
回覆刪除[版主回覆11/09/2011 22:40:19]你指咖啡？其實早係準備有bb時已經戒咗喇，咁當然會偷飲下啦，到有咗bb後，自己飲一杯就冇Lu,都係飲一兩啖老公啲奶茶咋。我唔係讚自己偉大，但做人媽媽真係會好自然為自己個bb付出，你遲下就感受到^^
我仲有飲7up + 0茶，不過最多都係一日一杯 ^^"
回覆刪除[版主回覆11/10/2011 16:28:03]其實我都有飲，可樂就少啲，都係痴老公飲兩啖^^
我依家餐茶只飲熱檸水走甜
回覆刪除[版主回覆11/15/2011 11:41:57]其實我戒得好少嘢，只係戒咗自己一個人飲晒一杯，如果有人同我share我會偷飲幾啖。食物方面更少，乜都食，hehe