炒米粉

十幾年前, 炒過一次米粉, 痴鍋痴到亞媽都唔認得, 自此之後, 我就冇再炒過lu...

經同事教路, 原來炒米粉係唔會痴鍋, 所以決定要試一試!

--- 豬肉絲, 加調味料醃醃
--- 火腿絲
--- 冬菇絲
--- 蔥
--- 除蔥外, 每樣材料冬自爆香

 

--- 去咗百佳買咗隻由台灣出產嘅台灣米粉, 比較幼身 (好似$8.x)
--- 米粉用清水洗淨浸軟, 隔水備用
--- 冬菇浸完嘅水請保留, 留待炒米粉用
--- 將冬菇水加入鍋, 加豉油, 麻油, 胡椒粉, 係呢個時間預先調味, 咁啲米粉炒出嚟就會有味同均勻, 加入米粉炒炒炒。
--- 原來, 所謂嘅炒米粉, 係要用水嘅!
--- 一路炒一路試味啦, 唔夠味就再加豉油
--- 最後加入所有配料炒均就ok架喇!



我覺得啲味都唔錯, wakaka

威院照Oscar @ 12weeks6days

2011年11月21日 (星期一)

終於都到我做唐氏檢查喇! 約咗15:15到威院, 係公司食完晏就起行, 去到都係14:45左右, 磅一磅重就坐低等! 睇晒所有BOARD都唔見有咩產前班報嘅?! 不過算啦, 要請假嘅都未必會參加!

一路等都有少少緊張架。等咗半個鐘叫我名入房見姑娘, 問咗我一啲個人同家族健康問題。又問我可否抽多少少血比中大做硏究, 當然冇問題啦, 反正都要抽架喇, 可以多D血做實驗, 對大家同將來都有好處, 係咪?!

好快就叫我入另一間房, 原來唔係醫生照嘅, 不過我都冇所謂, 有經驗嘅姑娘有時仲可靠過D醫生架, haha~~~~ 

姑娘一照落去, 已經哎呀咁聲, 龍寶寶個位置唔啱呀! 打橫瞓背向天, 咁嘅姿勢係照唔到個喎, 我頭先唔記得咗叫龍寶寶要乖乖, 擺個靚姿勢呀!!! 姑娘係咁用支超聲波捧狂郁我個肚, 又叫我個身左右係咁轉, 希望佢會轉姿勢。點知.....都係零反應, 姑娘叫我去抽血先同郁多d!

去到抽血中心, 竟然冇人唔洗等, 記得好耐之前去抽血, 早上要等一個鐘架, 原來下午去醫院做檢查會好d嘅....唔洗10mins又上返去, 全程我都冇坐低過, 行樓梯上落, 希望龍寶寶轉姿態, 等咗10mins又到我!

我地又見面喇~~~

今次龍寶寶轉咗位喇, 係打橫瞓面向天, 姑娘話咁樣好過頭先啦~~~姑娘嗱嗱聲度咗頸皮先, 應該都度咗5-6次, 話口未完, 龍寶寶連續做咗幾次蜈蚣彈, 好開心呢見佢係咁郁, 但就比姑娘話曳曳囉, 我心諗, 咁咪似我囉, 古靈精怪, wakaka~~~彈完一輪佢就正常返, 有時見佢好似食手指, 但唔太肯定, 因為佢隻手去到個口位置就冇畫面睇, 但見佢個咀係有郁郁下咁, 應該係食手指掛~~~~兩次加埋照咗有半小時以上, 真係抵到爛呀!

最衰姑娘唔比我影相啦, 我見之前有人去威院都比嘅, 冇計~~

今日度出嚟龍寶寶有13w2d / 7cm長, 比前兩星期大咗3cm呀!!!叻叻! 問咗姑娘頸皮厚度係呢個週數係正常, 冇記錯應該係1.96mm, 只要驗血嗰邊收唔到電話打嚟就冇問題架喇。最後姑娘比埋個照結構期比我, 真係好呀, 唔洗問都有, 好開心呀, 可以慳番千幾蚊, yeahyeahyeah!!!!!

攪掂晒都成5點喇, 跟住回娘家食飯~~~

媽媽煲咗一大煲牛尾湯比我飲呀, 好好味好開心呀!!!!!

9月24日體重: 114.2lbs / 32.5"
10月22日體重: 114.2lbs / 33.5"
11月7日體重: 115.6lbs / 33.5"
11月25日體重: 119lbs / 34-1/8" (點解突然間重咗咁多嘅???!!!)
(P.S. 肚圍當中有2" 為肥膏)

鮮雞冬菇飯

之前煮過排骨爉腸飯, 真係幾方便同穏陣。今次想轉轉口味, 改用新鮮雞, 去街市買咗$40半邊雞, 叫佢斬埋, 正呀!

--- 將雞洗淨, 加入雞粉, 紹酒, 糖醃下
--- 另外, 將冬菇浸軟, 大槪要3小時才可完全浸透 (冬菇水不要倒咗去呀, 精華嚟架!)
--- 最後, 加埋D薑絲一同醃下

--- 蒜溶炒豆苗, 零難度, 唔多講喇
--- 將米洗淨, 加入冬菇水代替清水 (當然唔夠冬菇水就再加清水啦)
--- 將所有鮮雞冬菇放咗飯面, 連同生米一齊放入飯煲內
--- 待飯煲跳製後就有得食喇~~~


**話說當晚煮呢個飯, 唔知係我太少飯定太多餸, D飯煮完竟然唔熟喎, 我前後再按製三次, D飯才熟, 仲有飯焦添呀, 我就好like啲飯夠晒味, 老公就好like啲飯焦又香又脆, 下次再煮, 都未必煮得番呀

沒預計的產檢 @ 10weeks5days

11月我無BOOK私家做產檢, 因為21號我會到威院做OSCAR, 諗住慳番D嘛。

話說上星期, 工作上令我真係好氣結! 我變態到係度諗, 我請產假唔返幾日你都吹我唔脹啦! 我睇你會點安排!!!! 有時一路諗一路忟, 個肚都有扯扯下嘅感覺! 我估龍寶寶都替我不值!

星期六朝早, 見住D分泌又諗埋D變態嘢, 今日有流啡請病假都冇用啦....

到咗今早, 起身返工, 抺尿尿時, 真係有啡喎....龍寶寶幾聽話~~真係好抵鍚呀!!! 其後幾個字入面, 都久不久就用紙巾印下睇下有冇少到, 發覺情況一樣, 每次都印到一節手指嘅啡色分泌, 同老公相量後, 決定去我睇開嘅家庭醫生照一照...因為怕去屯門醫院都要等好耐, 加上我真係唔太LIKE屯門醫院, 唯有晒幾百蚊啦~~~

9:30AM去到診所, 登記後去咗廁所睇睇, 仲有啡喎。食埋個早餐, 都要成10:45AM先到我呀!

一照, 龍寶寶大咗好多呀! 有手有腳, 醫生仲照咗口腔比我睇, 有D牙, 骨嘅嘢 (當然未有牙啦)。仲有佢條臍帶添呀!! 照照下, 佢仲起飛腳添! 醫生話佢very good, 好healthful, 唔需要擔心。

醫生都冇講點解會流啡, 都係叫我bed rest啦, 前後有三日病假, 我會睇心情決定會唔會放晒呢三日。

我有同醫生講, 今次和對上一次, 都係半夜個肚好緊好實, 去咗廁所就冇事, 但同時第二朝早都有流啡, 醫生又話唔關事....Anyway, 照咗後, 龍寶寶好健康, 同上次照出嘅週數, 跟今 次照都好吻合!

而家龍寶寶有4.06cm喇, 一張照出嚟係10w6d, 一張係11w....唔知點解呢~~


9月24日體重: 114.2lbs / 32.5"
10月22日體重: 114.2lbs / 33.5"
11月7日體重: 115.6lbs / 33.5"
(P.S. 肚圍當中有2" 為肥膏)

相關網誌:

第一次見醫生 @ 4week?day

第一次產檢 @ 7weeks


第三次產檢 @ 16weeks6days

 

西梅汁加鈣加葉酸??!!

早前睇雜誌見到新出嘅西梅汁加鈣加葉酸, 主打for大肚婆.....即刻心郁郁想買啦~

有咗BB後, 好多嘢都唔飲得, 可樂同咖啡因為有咖啡因, 不可多飲...弟婦話連檸檬茶都要少飲....而家叫做多咗一個選擇! 其實去健康院做檢查時, 都有播碟話, 咖啡奶茶其實都可以飲, 不過每日唔可多過兩杯~~我都盡力戒下囉, 有時偷飲老公杯奶茶飲兩三啖, 過下口癮

 

暫時只有恵康有得賣 --- $38.9。你睇下, D優點講到鬼咁好~

我會溝少少水, 咁樣冇咁稠, 易入口D~~味道都OK, 比想像中冇咁甜, 唔錯!



另外, 新配方加咗維他命A,C,E同加強抵抗力。我買咗一支比太奶奶, 希望佢飲咗身體健康D之外, 西梅汁都有咗排便, 平時老公都有買西梅乾比佢食~~