今日行程：
➡️迪士尼➡️酒店
亦是亞女最開心的節目，再加上東京迪士尼有Frozen冬季期間限定。正呀！
呢個團都幾好，呢張車票係全日任搭嘅⋯⋯
Elsa潼變身完成❄️❄️❄️
搭到Elsa列車好開心😍😬😍😬
入到園都快十點喇！正好趕及第一場Frozen巡遊。我地目標好清晰，走到公主城堡前坐下，Elsa的花車會停喺城堡前唱番首日文版《Let it go》！
Anna跟亞克，還有小斯
石頭精靈
小白☃️
全呼萬喚、萬眾期待的Queen Elsa!!! 氣氛真係好好，個個小朋友都聚精會神睇Elsa表演！
我地坐呢個位置非常好，背著太陽坐（背著城堡）唔會被太陽曬住，影相又清楚冇背光，👍🏼👍🏼👍🏼
最後兩卡花車有棉花糖和衰王子😌
Yes, 任務完成咗一個！
城堡前兩邊有一些Frozen裝飾，都好靚。上網睇過其他blog裝飾都應該沒有太大改動過！
另一個任務是，12:30有另一個Frozen活動，是Elsa, Anna同小白跟小朋友會面，地點係城堡前空地。我地睇完Fozen 巡遊已經見到有人等緊了，之前上網做搜集唔見有人講名額多少，只知名額有限，所以決定我一拖二在這裡等（要等個多小時啊），家姐和爸媽四處行陣先～
佢地跑下跳下，同佢地小朋友跑來跑去，玩得都好開心！
終於都等到12:30了！
這個活動其實名額都好多，到臨開始約12:15都見有新遊客入來，當然家長坐的位置會較後，咁對於我地言語不通嘅旅客坐前啲係方便搵番自己小朋友嘅。
咁呀Elsa, Anna喺台上唱完歌後就落咗嚟地面同所有小朋友作近距離接觸一下，都係幾好嘅活動安排！
玩完後同家姐佢地會合，而兩位小朋友亦好快就冇電了！見佢地瞓咗，我地就出咗去樂園另一邊嘅resort行陣街。而龍寶寶呢個晏覺就一連瞓咗四個幾鐘😒😒😒
終於都醒喇，咪咪摸摸再侜園都快六點了！
入夜亮燈後仲靚！
一早攞咗嘅怪獸公司fastpass因兩個小朋友瞓咗所以冇玩，再入園後又因技術問題閂咗門😭
經過城堡時見到已經有幾多人坐咗喺前面等待7點幾嘅Frozen投影show, 但如果我地又再等的話，呢一日就全日是等等等⋯⋯咁我地就決定算啦，去玩下其他嘢。
喺遷就小朋友嘅意願下玩了木馬、小小世界同幻想曲。
玩完7點幾返回城堡，但實在太多人，已經擠滿晒人，得番啲大斜邊，企喺度都係睇唔到投影，而且小朋友可能都倦了，有啲扭計，所以決定回酒店休息同食之前買喺resort嗰邊買的便當。明日又一早出發囉。
今次東京迪士尼只在龍寶寶午睡時喺Resort度買了兩個鎖匙扣咋，樂園內的店都冇機會入去睇下😢😢😢
老實講，6:30一早起身準備，一路玩到7:30離開真係好疲倦，呢一刻真係好掛住老公啊😢
沒有留言:
張貼留言