東京 - Day 1

2017-2-12

今次好神勇，我和兩個寶貝跟我父母和家姐一齊去旅行，冇咗大力士爸爸隨行真係好緊張啊😱。不過我地跟團，都慳番好多心神唔洗煩行程。

2月的東京大約2-10度、我地去嗰五日預計天晴，空氣好好冇雨冇雲。而我又大鄉里+緊張大師上身，同兩個小鬼帶了後多衫，預計連褸著五件+兩條褸😂。加上行程有滑雪場，滑雪裝備三個人已經佔了1/4了😱

今日行程：

9:05起發➡️台場➡️遠眺彩虹橋➡️酒店

指定動作

指定動作2

兩隻嘢瞓到咁🤣

話說班唔爆，他倆瞓咗後我就坐咗去後一排瞓下，突然一醒，妖！沿路有人嘔⋯⋯而我坐嘅座位邊都有嘔吐物，他媽的！我亦中招，不幸之中，應該不是太多，諗起都有啲嬲呀！

第一站，台場！趕得切拆之前影個合照😬

夜景仲靚

早餐喺機上面食，一路都未食午餐，嚟到台場都4點幾了，亞女好開胃，食晒成碗烏冬！（自費的）之後就喺台場行陣街！

晚餐後我地怕太凍所以冇跟大隊遠眺彩虹橋，留咗喺商場入面玩下行下！

酒店好大啊！仲要連住兩晚，爽！

適逢情人節、家姐和羊咩咩農歷生日，我地都買咗個🎂慶祝一下😍

五天旅程話咁快就完咗一天了！明天全天迪士尼遊，緊張會收太陽會好凍，緊張爸媽會好悶🤣