東京 - Day 3

2017-2-14

今日行程：

三島Sky Walk➡️富士天神滑雪場➡️溫泉酒店

條橋都幾長，400米。都好多本地人前往，其實我就唔覺得有乜好睇🤣

🍦，好味。唔太重牛奶味👍🏼

睇完橋就繼續出發！

富士山🗻。向滑雪場出發，亦都係龍寶寶期待的活動！

食過午飯到達滑雪場都三點幾了！逗留個半小鐘預計4:30離開！

正呀！

不過呢個滑雪場係假雪😢不過小朋友都好開心嘅。

雪兜，¥1200@

龍寶寶真係玩得好開心😍

講下我地套滑雪裝先：

羊咩咩的最抵，淘寶¥16。冇錯，堅係¥16，連身的！

龍寶寶嗰套都唔弱，¥78都唔洗，一件滑雪褸一條吊帶雪褲

我嗰套係童裝都好抵，¥84.6。

兩個寶貝的雪鞋當然都是來自淘寶貨啦，¥20@

¥220都唔洗，三個人的滑雪裝備，呢個價錢著一至兩次真係抵到爛！😁😁😁

雖然一上到山係覺得好凍，換咗滑雪裝，入面冇羽絨的但全部的滑雪裝都係防風防水，加上走上走落都唔覺凍！

玩到近尾聲要走喇，呢個時候龍寶寶先話要砌⛄️，早又唔砌，而家先話砌，時間唔等人，真係要走喇，喊到拆晒天，仲惹到羊咩咩都喊埋！成個滑雪場都係佢地嘅喊聲🤦🏼♀️⋯⋯夾硬抱番佢地上車就閃，喺旅遊巴上兩隻喊咗好耐先瞓著兩個扭瞓眼，兩個都話要我，又話要攬要成煩過鬼，仲攪到我喺呢度唔見咗保暖內衣😓

差不多一小時車程到了溫泉酒店，開飯先！

呢餐飯⋯⋯味道好一般，嗰幾雙蟹腳冇蟹味之餘仲好喊，有少少失望！

稍作休息，孖住龍寶寶去浸♨️♨️♨️先！唔知係呢間係咁定點啦，導遊都講過話東京嘅泉水係唔太熱嘅，太掛住北海道的溫泉了😌♨️😌♨️