為咗呢條人奶路行得好啲, 仲買咗支按摩油, 喺懷孕後期按摩下, 希望會多啲奶奶....
呢個係喺醫院時用手搾出來嘅初乳...(點解會搾?! 因為龍寶寶隻腳有事, 送咗去初生嬰兒部), 為咗繼續刺激大腦造奶, 定時用手搾下咁囉!!! 奶量好少呢, 開始有啲擔心...
回家後, 為咗確保龍寶寶夠奶飲可以去黃泵出嚟餵....嘩....多到呢
兩星期左右,不停餵不停啜都係得呢個量, 媽媽又有煲魚湯比我,
奶量仍然超少..... 真係好倦唔想再餵...但媽媽唔比我放棄, 話點都餵到返工喎....
後來...成績開始好啲, 由初初幾十ml到而家有幾安, 雖然係兩邊加埋, 但都叫夠一餐咁囉....
而我泵奶嘅時間, 由初初兩小時一次, 慢慢改咗三小時, 四小時, 龍寶寶暫時食4安人奶頂3.5或4小時一次!
我發覺, 一小時可以儲到一安人奶, 如我隔四小時才泵奶會有四安, 五小時才泵奶有五安...
呢兩支奶, 係我第一次半夜冇泵冇比龍寶寶啜過, 隔了七小時後泵出來的, 好開心。不過打後幾日都泵唔番呢個成績, 激氣呀!!!
而家唔敢偷懶, 繼續四小時泵一次, 希望可以儲多啲奶做雪奶同後備, 加油呀!!!!
總結:
頭嗰兩三個星期真係好辛苦, 一來自己冇乜奶....二來BB好快又要啜, 餵完又換片已經冇咗個幾鍾, 都瞓得著已經又要餵下一餐....真係好辛苦。雖然之前聽講座知餵人奶初期有機會每一餵12次...但未試過真係唔知原來係咁辛苦架, 而家就好啲喇, 可以四五個小時才泵同餵奶, 叫做有少少時間休息同做下自己嘢囉。
大家想餵人奶嘅媽媽, 好似我呢啲咁遲才上奶嘅人 (仲要上咗都唔多奶), 心理壓力都幾大架, 但堅持下都叫有啲成績, 大家比心機呀!!!!!
加油呀, 慢慢就睇到成績了, 不要放棄!!
回覆刪除[版主回覆07/05/2012 14:23:40]近排啲奶好似少咗咁＞＜
同你一樣,超大壓力, 不過而家奶量都係唔多, 我都由佢, 食得几多得几多啦!
回覆刪除[版主回覆07/05/2012 14:24:58]而家好似少咗奶咁嘅，雪得嗰三包冰奶咋！！！
呢條路真係好難行，比心機啊 ~ 奶媽 !!!
回覆刪除[版主回覆07/06/2012 17:51:45]真係唔試過都唔知嗰種辛苦呀！
番工後點算呀@@
回覆刪除[Hitomi回覆07/11/2012 21:14:25]生幾多個真係考起我...我都31第一件都未知幾時要~_~
[版主回覆07/10/2012 08:44:14]你諗住生幾多個呀？
其實餵人奶唔係慳好多，因為成日要煲魚湯又要食多啲飯同肉咁，都幾重皮架！
[Hitomi回覆07/08/2012 22:31:40]HAHA~你問緊我幾年後ge事XDD
不過如果有B我都會盡量用人奶啦XD
省奶粉錢嘛XD
[版主回覆07/06/2012 17:52:42]返工會喺公司泵妞呀，希望保持到個奶量啦。你會否餵人奶？
人奶條路真係唔易，不過我見到係咁堅持，我之後都要努力先～
回覆刪除[版主回覆07/06/2012 17:54:01]家人嘅支持好重要，得自己一個好容易放棄！加油呀！
做媽媽好偉大呀!!!!!!!!!!!!!!!
回覆刪除加油~吾好放棄!!!!!!!!!!!
我前幾個月已經開始有初乳,吾知到時又夠吾夠奶呢?xd
[版主回覆07/10/2012 08:41:28]努力咁俾bb啜一定有架！加油呀！
真係好考你既耐性架, 為左BB著想, 要堅持呀!!
回覆刪除[版主回覆07/12/2012 11:10:09]我都覺做咗媽媽嘅人係多咗耐性
奶媽們一齊努力，比心機，好快6個月嫁啦!！
回覆刪除[版主回覆07/12/2012 14:13:28]係呀！要返工時已經過咗兩個月了~
加油呀！巳經好叻叻
回覆刪除[版主回覆07/15/2012 12:38:56]多謝支持^^
好叻架喇！放鬆啲會好啲架，要加油！！！
回覆刪除[版主回覆07/15/2012 12:38:34]知道，繼續努力！
阿b一日食幾多餐呀? 要唔要補奶粉?
回覆刪除[版主回覆08/16/2012 11:00:00]而家食五餐，冇補奶粉喇，佢都唔願食~