終於決定咗喇!!!
龍寶寶叫 --- 芷潼, Zi Tung
攞咗三張, $140x3
未生前已經決定咗會搵師父改名, 透過金金子介紹$1500, ok 啦!
雖然話搵師父改, 但我都唔係完全唔理嘅, 我地都諗好幾個名比師父睇架。我就鍾意"童"音, 乜寫法都得, 不過師父回番嚟就話童同痛音相近, 唔太贊同。所以師父另外幫我改咗幾個名, 有楚藍, 倩冰, 清慰等等....比較鍾意得楚藍, 但62話, 第一個唔可以叫"南", 因為"東南西北...1234", 第一個只可以揀"東", 真係幾特別個喎...
呢個師父都有同潼潼算下命, 都幾好! 話讀到書, 讀唔到就係父母嘅責任 (咁幾時都係架啦)。同父母都好有緣, 都唔錯, 其實最緊要佢健健康康就乜都得架喇, 係咪?!
如是者, 老公自己上網搵改名嘅資料, 最後揀咗"芷潼", 評分同楚藍一樣高, 但分析"楚藍"個名, 話去到中年會有交通意外喎....咁恐怖
?!
龍寶寶: "大家可以叫潼潼, 或者龍寶寶都得架!
"
HI...龍寶寶..
回覆刪除[版主回覆07/18/2012 12:56:59]Hello，姐姐你好！
我bb都攞咗三張出世紙~
回覆刪除[版主回覆07/18/2012 22:33:37]其實兩張都得嘅...不過三張嘅話, 其中一張可以"珍藏"囉~
Hello 潼潼，可唔可以介紹比我？我都想幫我個B搵師父改名
回覆刪除[版主回覆07/19/2012 11:13:55]開始係用電話溝通，改好名要上去攞番份算命資料，一本薄仔，係師父寫嘅
[Mrs. Wu回覆07/19/2012 09:31:41]駛唔駛親自去㗎？
[版主回覆07/19/2012 07:16:15]好呀！李師父，68419298。改個好名！
我好多fd bb名都用"潼潼"發音
回覆刪除[版主回覆07/19/2012 11:11:47]媽媽會都有好多呀！