2012年6月20日 星期三

髋關節

話說上次威院嘅兒科醫生檢查到龍寶寶隻左腳髋關節有聲, 好快喺6月6日安排照咗超聲波及見骨科醫生。經超聲波診斷確係有輕微嘅鬆...骨科醫生決定為龍寶寶配帶支架去加強番個關節!

同日, 去咗職業治療部同龍寶寶度身訂造。


6月13日再返去攞支架.... 展開為期三個月嘅療程

著咗返嚟後, 媽媽我試放龍寶寶喺床仔自己試瞓同玩, 見佢扭來扭去, 一抱回, 就嘔奶, 仲連鼻都噴, 嚇到我呢....心又痛。

如是者, 每晚我都唔敢瞓了, 就係怕佢嘔奶, 龍寶寶又特別鍾意伸懶腰, 每次面面都谷到紅晒!

寶寶呀!!! 今日已經著咗一星期了, 下星期6月27日返去覆診, 希望有好消息啦, 你都要乖乖呀, 時間好快過。而家咁細個著, 係治療嘅黃金最好嘅機會, 比心機呀!!!!


上網查過有關資訊, 原來呢個問題好多時發生係第一胎女嬰左腳上, 完全同龍寶寶吻合。好好彩, 龍寶寶咁快就被發現同可以配帶支架, 如果再大個先發現就好大可能要打石膏或者做手術再打石膏架喇!

所以, 今次嘅事, 對我嚟話有好有壞!

眼淚當然有流過, 確係心痛, 偏偏自己個囡又咁鍾意伸懶腰, 但而家就被限制.....真係好想快啲到9月, 到時認真咁同龍寶寶攪番個PARTY!!!!

張貼者： 於
標籤：

15 則留言:

  1. 金金子2012年6月20日 下午3:06

    好快冇事, 努力支持落去, 我明白要TAKE CARE一個完全冇問題既BB都要好花心力.. 雖然佢既問題唔太大, 但係始終著咗褲褲佢都會不舒服會更加扭, 你同龍寶寶都要一齊加油呀~ 好快雨過天晴, 同埋發現得早真係不幸中之大幸呀~
    [版主回覆06/22/2012 08:03:18]好努力中

    回覆刪除
  2. Mrs. Wu2012年6月20日 下午4:47

    唔好灰心, 而家發現都係好事, 好快過啦!
    查實係咪個個BB都甘中意伸懒腰? 我個個又係成日伸, 仲成日一路伸一路發出怪聲.
    [Mrs. Wu回覆06/23/2012 03:27:43]我成曰話佢扮亞伯叫, 哈哈
    [版主回覆06/22/2012 07:39:46]龍寶寶都係呀，一路伸一路發出怪聲，多多聲氣，成日扮亞婆叫架！

    回覆刪除
  3. Gen2012年6月20日 下午5:28

    唔好擔心，BB其實係好強壯架，早啲發現早啲治療都好吖！ 加油呀
    [版主回覆06/22/2012 07:37:33]知道！努力中，多謝支持！

    回覆刪除
  4. Hellocc2012年6月21日 下午1:38

    睇到咁樣好心痛....龍寶寶加油...做完治療好快就無事ga la
    [版主回覆06/22/2012 07:31:53]多謝你呀！超快想過咗呢3個月

    回覆刪除
  5. 小宅女-阿K2012年6月21日 下午3:08

    好彩發現得早, 龍寶寶好叻叻既, 會好快好返架喇!!!
    你都加油啊支持住...........
    [版主回覆06/22/2012 07:29:55]咁早發現真係要劏雞還神，呢點都係我嘅動力

    回覆刪除
  6. Mr. and Mrs. Chui2012年6月21日 晚上11:31

    佢噴奶係咪未掃好風?? 唔駛擔心, BB未生好骨, 骨又軟,又快大, 生長時會OK的, 只係幫佢固定者....係小事LA.....一路大一路好快生埋位架LA....媽媽加油呀!!!!!!! 一齊努力!
    [版主回覆06/22/2012 07:22:16]我媽幫我握好風架喇，我懷疑係心口條帶cool到佢，又未適應就咁囉

    回覆刪除
  7. 李太.大頭蝦2012年6月22日 中午12:14

    見到都心痛!
    琴晚無拉拉諗起龍寶寶,以為佢好番.
    bb仲細,骨軟,好快好番,吾曬擔心.
    (原來呢個問題好多時發生係第一胎女嬰左腳上)良性既考驗,加油!!!!!
    俾d正能量bb
    [版主回覆06/22/2012 15:13:28]你真係好呀！我都好想一覺瞓醒已經過咗三個月。多謝你呀！

    回覆刪除
  8. 忌廉火柴2012年6月22日 下午2:16

    加油呀, 細個佢都未識, 可以快D醫好, 大個就唔會驚呀~ BB成長得快, 會好快無事架~~
    [版主回覆06/22/2012 15:14:46]冇錯！多謝你嘅支持

    回覆刪除
  9. Hitomi2012年6月22日 晚上7:34

    放心放心沒事的! 之前舊同事個B出世~醫院姑娘竟然無餵奶俾個B食! 結果個B餓了差不多2日~
    同事見個B唔識喊又無反應仲嘔黃膽水嚇到佢傻~後來CHECK番醫院RECORD先知道醫院出錯...個B結果要入果D箱 =__=
    [版主回覆06/25/2012 21:58:33]吓？會唔會你朋友話餵人奶呀？如果係咁，就唔會餵奶比bb架喇！
    [Hitomi回覆06/25/2012 19:03:00]威院囉~_~
    [版主回覆06/22/2012 20:12:46]兩日？咁多個小時都可以餵唔到一餐？邊間醫院咁攪笑？我而家真係好想快啲三個月後呢！

    回覆刪除
  10. ♥。。Anna Mami 。。♥2012年6月25日 晚上7:53

    醫生有冇話點解會咁？關唔關唔夠鈣事？
    [版主回覆06/25/2012 22:02:00]簡單咁講就話可能陀嗰時媽媽嘅荷爾蒙影響，但其實都仲有好多原因，好彩係，帶完好得番個心就安落啲囉！

    回覆刪除
  11. Bi2012年6月27日 上午10:31

    早發現早治療係好事,會好快無事架啦
    [版主回覆06/28/2012 15:03:11]好想快啲過，可以扮靚靚！

    回覆刪除
  12. 小太太Ivy2012年6月28日 清晨5:42

    加油呀！有媽媽支持，3個月好快過，到時攪個大party一齊玩
    [版主回覆06/28/2012 15:36:56]好呀!!!等遲下大家BB大啲定啲一齊出嚟HIGH TEA吖!!!

    回覆刪除
  13. 傻瓜‧菲2012年6月29日 晚上7:05

    加油呀~~龍寶寶無事GA...三個月後一定係好消息!!!
    [版主回覆07/05/2012 15:18:05]真係好想快過呢三個月呢！

    回覆刪除
  14. 盧汶汶2012年7月5日 下午2:53

    趁bb 細愈快治療愈好, 放心啦, 三個月就無事架啦!!

    回覆刪除
  15. yanyan2012年7月12日 晚上9:14

    Add oil, BB will be fine and healthy.

    回覆刪除

訂閱： 張貼留言 (Atom)