由上星期一開始 (大槪6weeks吧!), 個胃就開始發癲, 有時會胃頂, 有時會作嘔, 有時會反胃, 一諗起花膠個樣同質感即刻想嘔同反胃....
。根本就冇心機開電腦! 初頭我唔敢相信自己開始有害喜, 我相信, 每位準媽媽都希望自己害喜辛苦d, 只有一個想法係BB更健康, 係咪?!不過直到今日, 已經足足一星期了, 個胃持續發癲。今日仲暈車浪咁, 返工同放工搭西鐵時, 真係好想嘔, 我仲準備埋膠袋添呀!
好在落咗車後就好多了! 仲有胃口食早餐~~不過今日放工前, 去廁所發現有d血絲連同分泌一齊, 不過好快就冇事! 我即刻同龍寶寶講, "你要乖呀, 媽媽好鍚你架! 放工帶你食魚蛋"。
好祈待星期三同龍寶寶第一次嘅約會! 你要乖呀~~~~~~
各位準媽媽, 大家一齊努力呀!!!!
我尋日都開始嚟料啦... 頂到上喉龍，勁辛苦呀！食兩啖即刻反胃咁，尋日專登去買d薑食下，希望可以舒緩下啦！
回覆刪除[版主回覆10/12/2011 17:44:42]又子宮收縮?! 仲諗住遲下冬天煲薑水飲添....><
[金金子回覆10/11/2011 15:16:02]傻豬, 唔可以食薑ga, 我同事話薑會令子宮收縮.. 你食梳打餅啦~ (雖然冇咩用), 忍耐一吓好快冇事~
難怪我好多有左b的blog友開始唔寫blog~haha
回覆刪除[版主回覆10/12/2011 17:45:37]係呀, 個人都唔舒服做乜都冇心機, 你唔好怪佢地呀HEHE~~~
你到而家都未嘔, 應該唔會點嘔.. 因為要嘔的話相信第一, 二天害喜都嘔咗了, 不過, 我都係嗰句, 作嘔仲辛苦過嘔出嚟呀陰公~ 我都過咗呢個時期了, 你都快d過, 好好享受懷孕既蜜月期啦~
回覆刪除[版主回覆10/12/2011 17:46:04]我今日好叻, 冇作嘔作悶, HAHA~~
想嘔可以食陳皮..
回覆刪除小心身體ar, 我係懷孕初期都成日叫小b要痴實我架
[版主回覆10/12/2011 17:46:37]有呀! 有食陳皮, 而家陳皮同話梅輪流食~~^^