大肚褲

今日終於去了買大肚褲。係BK見到旺角中心1樓有一間賣孕婦衫褲 --- 龍珠 (近"新之城"), 價錢平之餘, d姨姨仲好好人又細心!

其實我有一條比較鬆身嘅牛仔褲仲著到, 不過坐低嘅時要抽一抽番高, 咁樣就會坐得舒服d, 但著咗呢d大肚褲就冇問題好舒服~

今次買咗兩條牛仔褲同兩條內褲! 都係$386咋! 抵呀!

$168各一條。講真, 真係平過淘寶呀, 之前睇過, 平均要RMB140, 靚少少嘅都要RMB170, 仲未計匯率同運費, 又冇得摸下試下, 所以留返係香港真係好抵!

另外, 弟婦有D大肚legging比我, 又慳番, hohoho~~~

另外, 孕婦內褲, $50兩條, $29一條。唔好意思, 係亞婆款咗少少, 我都冇法架~~呢條內褲可以著到生架! 龍寶寶, 你要乖呀!!!!

下星期四會去健康院做檢查, 又有d緊張添....

今個星期開始都搽肚紋膏, 唔係我緊張, 而係個肚已經比之前大咗1" (其實會唔會係我肥咗呢?!) 不過體重就冇乜點變! 真係要小心飲食呀! 至於害喜方面, 比開頭好多了, 記得嚟料頭幾日, 真係幾辛苦下, 一係勁胃頂, 一係勁反胃。呢個幾星期都係維持住肚餓先反胃, 但係冇肚餓感覺個喎, 只要feel到反胃食下嘢就冇事喇, 平均三小時就會發作一次, 我一日真係食足五餐架。不過呢兩日朝早反胃嗰下都幾堅, 要忍住, 唔係就要嘔喇, 但晨早流流嘔乜呢???

9月24日體重: 114.2lbs / 32.5"
10月22日體重: 114.2lbs / 33.5"
(P.S. 肚圍當中有2" 為肥膏)




今日, 有個不是很好嘅消息! 不過點都好, 我地會支持你架!!! 不論個結果如何, 都要堅強面對, 勇往直前! 加油呀~~~