好黃呀、要照燈了！@Day1

出世第二天為Day1, 下午護士來check 黃有點高，話要抽血，如太高就要當晚過兒科照燈了！

唉，大約9、10點真的有人來接走羊咩咩了、嗚嗚⋯⋯（上次龍寶寶因為腳仔問題第二天被接走）今次又因黃被接走！

等我仲一心比佢任啜有助上奶添！唯有自己努力手揸盡量刺激一下囉。

這是Day2 清晨手揸兩邊、半小時的成果，姐姐話已經好唔錯。將奶交比護士存好，晏啲帶過去兒科比bb食！

到了中午探病時間，和老公過去睇bb( 竟然比我撞返上次有份照顧龍寶寶的護士)。細問之下羊咩咩咁快就黃應該是生產時受壓引至頭皮下出血，情況都幾普遍，不過這些瘀血就會轉化為黃排出，所以咁羊咩咩的黃讀數會比較高同持繼耐啲。可能係我生佢時合埋咗腳幾次的原因⋯⋯激氣！

如是者我就先出院囉⋯⋯還要陪伴我的龍寶寶嘛！

第二天中午再去探羊咩咩可以出院休假，一回家，即安排兩姐弟相見先，好 sweet! 不過第二天要回去再抽血驗黃！

好可惜，黃指數很高，三百頭呀，即再入院，又住多兩天！

生完只有幾天的我，來來回回體力好明顯唔掂，而且條腰真好倦，為咗將來最後我決定晚上才到醫院探羊咩咩囉⋯⋯

最後我改變策略、暫時放棄埋身餵人奶改泵出來，因為我唔係多奶快上奶的人而且埋身餵會食耐啲（我total餵足40mins) 之後再補奶粉，咁樣嘅話一餐奶攪成個鐘、如是者就可能skip咗一兩餐奶而且唔知埋身食咗幾多，為求他食得夠，疴得夠，快啲退晒黃唔好再入院了，所以我每餐要佢食到70ml奶：人奶+奶粉！而最後亦證實我呢個策略是正確的，可以到健康院跟進了, yes!!!